2010年1月31日星期日

學人坐的貓

我想問下各位有養貓的朋友,你地隻貓會唔會噤坐?

我三隻貓成日都好似人噤坐,個樣重要好舒服噤。
會唔會因為我成日噤坐,佢地有樣學樣?

你地好呀!好野唔學,學埋曬d衰野!

2010年1月30日星期六

男孩與指甲



男孩從不用指甲鋏,雖然這樣說有點惡心,但他喜歡用手,一小寸一小寸的把指甲拔短,可是他拔的太多,又拔的不好看,令他修長的手指看來有點笨拙,但卻也是他引以為傲的東西。

十二月初的一天,男孩向他追求以久的女孩說,

「如果我一月一日之前,用手拔我的指甲,我就會放棄追求你。如果我沒有這樣做的話,我會繼續去愛你!」

「那你一月一日記得告訴我!」少女笑笑的說著。

「為什麼!?你應該主動問我結果!」男孩一臉神氣的說。


聽上去好像很容易,但男孩這個怪習慣由他懂事已經開始有,說起來,有二十多年,又怎能輕易改變呢?男孩看著手指甲一天比一天的長,但卻忍著沒有去拔短它,他知道這是一個對自己的約定。

這只是一個對自己的約定。

他滿心歡喜的等待一月一日的來臨。

一月一日那天,他們沒有特別約大家見面,可是女孩因為有點東西交給男孩,所以約了他出來。雖然大家沒有出聲,但他們心裡仍然記得那一個約定。

男孩看到女孩偷看他的指甲。

她沒有出聲。

他也沒有。

男孩開始迷茫,他不明白自己在做什麼。

或者由一開始他已經知道,無論他怎樣做,也改變不了事件的本身。

那一天之後,男孩改不了他那個怪習慣,也沒有改變對女孩的愛。

2010年1月29日星期五

飛機王

又一次俾人話係飛機王

今次係因為freelance老闆喺我走果時突然打俾我要改野,最吹漲係佢只係想我將power point d 字放大,妖,自己做啦!

其實我計過,平均五次約會,我就會放一次飛機。再噤落去,我好快冇曬朋友......

對唔住傻豪,我下次真係唔會嫁喇!


最多我以後唔打飛........唔係,係唔再放飛機啦!

2010年1月28日星期四

書債

近來發現家中實在有太多書未睇,而且好多都只係睇左四份一就放棄左。最搞笑我前日又買左本新書,雖然家中的書未至於堆積如山,不過作為一個完美主義嘅處女座,我唔容許有任何唔完美嘅事發生!

我係時候還下書債先得........


(希望)睇書排序:

大江大海1941 > 慢慢來 比較快 > 轉瞬為風 > 我和我的五個Kelvin > 媽,親一下 > 體育時代 > 紐約投城 > 娛樂大家

p.s:前日買左月老,我竟然用左一日就睇曬,得閒寫返個書評先。

2010年1月22日星期五

Oslo Novelist

喺小奧果面見到,很喜歡的一首歌
最近比較忙,所以唔係噤多時間寫blog,不過寫左好多喺notebook到,一有時間就會打出泥


Silence drawing the crowd
Surely you would have known
Never could write it alone
Woven webs cover the walls
Wine stains on the floor
Of the Oslo novelist now
Come tomorrow this will all be gone

Finally nothing to say
More empty words on the page
Hold a glass all the ribbons are dry
Raise a toast for the novelist tonight

Sun down fell, starting to wake
Tragedy at a time
Getting later and later every day
Words in lines collide
Can’t decide, how to make this end any other way
Come tomorrow this will all be gone

Finally nothing to say
More empty words on the page
Hold a glass all the ribbons are dry
Raise a toast for the novelist tonight

2010年1月20日星期三

今次出名喇!

大家留唔留意到張圖有咩特別?
睇清楚d......



今朝一返學校睇報紙見到自己個名,就已經嚇左一嚇

唔止報紙,重上埋yahoo熱門.....最搞笑係有個search叫'陳亨請食kfc',嗱,我冇講過嫁。

雖然唔係未上過報紙,不過第一次上yahoo熱門搜尋都幾興奮。(低能仔,人地係孌童犯......)

快快趣改左個msn名先,大家唔好再叫我做陳亨,最好叫我做阿亨或者陳x亨啦!

2010年1月18日星期一

隱形型男

依排真係好多野做,多到想打下blog都唔得。襯而家安裝緊個新software,講下最近生活先。


早前配左隱形眼鏡,尋晚終於試戴。

不出所料,第一次戴真係戴左好耐,差唔多30分鐘。其實如果唔係因為做話劇,我真係完全冇諗過去配,因為一直都知道自己唔戴眼鏡個樣真係好唔得。

不過戴左之後,個反應幾好喎。

唔止後生左,醒目左,重靚仔左。(嗱,唔係我講嫁)

2010年1月15日星期五

驗眼

我好鍾意買野,亦好驚買野,因為我實在太唔鍾意有售貨員喺我身邊走泥走去,再加上我耳仔軟,俾人講兩句就自自然然拎個錢包俾錢。所以一見到有售貨員(尤其係多野講)我就會好頭痛。

因為要做話劇的關係,我要去配隱形眼鏡。一去到門口,就有一把好雄厚嘅男聲叫住我,未見人先聽聲,我已經心知不妙,果然,一個中年伯伯好熱情噤走上前招呼。

我已經好努力噤保持冷靜,不過佢真係好熱情,熱情到一個地步就係佢完全唔理我問嘅問題,我問一句佢講二十句。我問佢配散光係唔係會貴d,佢就只係不斷話,如果我只係配1 day 或者 2 weeks就唔會教我戴,要我自己搵人教。我已經有些不滿意為什麼他要不斷強調這一點,不過我見佢又比其他地方平,而且已經問了幾間,所以就諗住無所謂啦,快快脆走人。

之後去驗眼,我一坐低佢就除左我副眼鏡,問我睇唔睇到牆上嘅字,我心諗,

「大佬,你知我幾百度散光同近視,你除左我眼鏡點睇呀?」

我好聲好氣答佢睇唔到,佢竟然同我講,

「噤你咪要戴眼鏡喇!!」

!(&!(@&!(*#&@(*!^@*!&^!#!#*

果一刻我真係呆左,俾唔到反應佢。我完全敗在這個叔叔身上,原來我戴了十多年眼鏡也不知道我要戴的原因,原來因為我有近視!哈!


叔叔,多謝你點醒我,否則我一世都不知道。



2010年1月14日星期四

傻仔

喺大家睇落去之前,先問大家知唔知依個牌子係賣咩?

知道嘅,請睇落去。唔知道,唔好google同yahoo search先,睇埋落去先......
話說因為讀書關係,我成日都要帶portable hardisk返學。我平時都係會喺屋企隨手拎個環保袋袋住個hardisk,噤最近發現依一個袋,見佢硬硬淨淨噤,噤我咪好開心搵佢袋住個hardisk。

雖然唔知Triumph是什麼牌子,不過一直用得相安無事,咪keep住用,直到有一日,當我好努力工作的時候,突然有一個女同學走到我身邊,看著我的袋說,

「Triumph?名牌野喎。」

因為唔想佢阻住我工作,亦唔想好似個大鄉里,我就隨口打發她。

「係呀!」我充滿自信的回答。

然後她就走了,不過我眼角看到她回頭露出奸笑。

之後幾個星期,我都好開心fing住我Triumph袋返學,原來這只是一個惡夢的開始.....

其實有不少人對的個袋有意見,或者投以奇怪的目光。不過我就冇乜點問佢地,直到有一日,好奇心驅使之下,我終於走去問我一個女同學,

「喂,其實Triumph係賣咩?」

「Triumph咪係黛安芬,賣胸圍,賣bar嫁!」女同學一臉認真的回答。

「哦,原來係胸圍......等陣先,你話係 .....胸.圍!?!?!?

果一刻我完全崩潰,我腦海不斷浮現我拎住個袋喺城大fing來fing去嘅場景,就好似個變態佬一樣,

「嘩,Triumph呀,名牌子呀!」

「好型呀!睇佢個胸一定有42C啦!」

「好man呀佢,拎個胸圍袋出街!」

為左安慰自己,我開始幻想周圍的女同學向我投以羨慕的眼光.......

呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!呀!

 自此之後,我無再喺屋企隨便拎袋用。

2010年1月13日星期三

我要做好個gay佬

最近因為朋友的邀請,又有機會再踏舞台,對上一次已經係六四嘅時候。

雖然今次劇份唔多,不過就絕對好有挑戰性。因為我今次係要扮演一個.........gay佬

係,一個gay佬。一個有d camp,有d八婆,有個叫Ben Ben嘅男朋友嘅一個gay佬。

好,你知啦,其實做gay佬絕對難我唔到,不過做一個camp嘅同性戀,要從骨子裡camp出泥真係好難。

我平時噤乖仔(?),噤正經(?),開始排戲時,真係唔知點做嫁,以前以為講野乸d、姣d就得,原來唔係,重要有好多body language去support

依方面,我諗我要搵下Ray補下習先。(唔好打我)

睇下我個造型照先!妖!真係好camp!!


2010年1月12日星期二

開sem.標尾會

放左成個月假,終於要返學喇!

睇下個time table......

嘩,free到好似唔係返學噤,都好,有多d時間返part time!

我大學生涯中,最後一個學期(應該),希望可以生生性性俾心機,GPA可以過返3,最重要就係拍好FYP,完成我個電影夢。

p.s,如果可以俾我喺我最後一個學期標到個尾會你話幾好呢......

2010年1月11日星期一

原來已十年

因為The Pancakes的音樂會,我才發現自己喜歡T.P已經有差不多十年的日子。

還記得第一隻買嘅Pancakes碟係喺一個極度不願意嘅情況之下買的。重係讀緊初中嘅我成日流連在大大小小的唱片店,當然係齋睇唔幫襯。

有一次如常的遊蕩時,老闆突然凶我,

「細路,想搵咩呀?」

當然我可以唔理佢走開啦,不過我果時細個淆底,而果時又熱播The Pancakes個九巴廣告,我呼隨口講話想搵佢嘅CD,心諗,「唔會有佢嘅cd賣掛」,點知真係有,噤我咪死死氣買左我人生中第一隻The Pancakes 嘅碟 - < Ok Karaoko>

返去之後第一次聽覺得好奇怪,同平時聽嘅流行曲好唔同,我平時都係聽開鄭秀文、容袓兒同Peter Paul and Mary果d。我開始有d後悔,你要知果時買一隻cd對於一個初中學生係一個唔細嘅負擔,莫論買左一隻自己唔鍾意嘅。不過愈聽得多,就慢慢有種奇怪嘅吸引力令我繼續去聽,開始研究每一句歌詞的意思,我開始發覺音樂原來可以這樣玩。就這樣,我與The Pancakes結下了不解之緣,亦打開了我的indie之門。

去睇The Pancakes演唱會前一日,突然收到dejay的電郵,說演唱會的銷售情況不太好。其實我有點擔心,擔心dejay會突然說這是好最後的一個演唱會,不會再出唱片,好在,到左現場之後,見到有唔少人walk in 買飛,都算full house,即刻打消左我依個念頭。


與其說是個演唱會,倒不如說是個音樂聯歡會。Dajay唱的歌不是很多(反而講野重多),當中有遊戲,有抽獎又有廁所位,不過唱的歌都是我最愛的。一開始由mlp 的阿P彈琴,到dejay唱「我只是為了兩千蚊才來到這裡表演」的那一刻,我真的很感動。很久沒有聽的歌突然一下子湧上心頭。

當我傷心的時候,我會聽 My Doy Year
當我快樂的時候,我會聽陽光
當我喜歡的人有另一半的時候,我會聽Jim
當我好需要cheer up的時候,我會聽Rock Quitar

這已經不知我第幾次睇The Pancakes的演唱會,好奇怪,每一次我都只係會同一位朋友去,而那一個一定是我當時的最好朋友,但他們都是從未聽過The Pancakes(所以我成日都有賣人豬仔的感覺),哈哈。不過每一次,他們都不約而同的喜歡了The Pancakes,可以同喜歡的人分享,那種感覺真的很好。

我想有一次,我會帶著我喜歡的人去。


我發現原來過去的十年,The Pancakes的歌一直在我的身邊。
希望下一個十年,你也會在的身邊。

2010年1月10日星期日

估你唔到

今日與女友人食飯,突然佢好興致勃勃噤問我,

女友人︰喂,你估下我今日去左邊?

我︰點估呀?海洋公園?迪士尼?

女友人︰唔係,你一定估唔到

我︰噤我唔估喇

女友人︰點解呀?

我︰噤你都話我一定估唔到,噤我重估泥做咩?

女友人︰!)(*!^&!^#$!^#


之後我地無再講過佢今日去左邊依個話題..................

2010年1月8日星期五

做隻乖乖貓

今朝沖涼嘅時候,發現一個好奇怪的現像。當喜兒喺露台貓廁所方面的時候,ET同矇豬仔好乖噤喺後面排隊等去廁所,一隻去完到另外一隻,唔會打尖,就好似幼稚園小朋友一樣。

果一刻,沖緊涼嘅我突然有一刻感動,我幾隻貓終於生性喇!


(矇豬:係個廁所細,搞到我地要排隊等,重唔快d買個大d廁所俾我!喵)

2010年1月7日星期四

GPA

今日係出GPA嘅大日子,喺前一晚我已經好努力呃自己,幻想一早已經出左GPA,幻想自己讀得好好,甚至幻想自己無讀過大學。臨訓前我重睇左套戲,希望可以分散自己嘅注意力。我依一兩日真係好驚,行行下街都會突然想起我嘅GPA,個心真係會離左一離。


鬼咩,份History of Cinema Final essay搞錯時間,足足遲左一個星期交,tutor SK重要打電話叫我交......佢俾我合格已經無憾....唉.....


到左今朝,我竟然真係唔記得左出GPA依件事,重好開心去左飲茶,飲飲下茶突然好唔自在。返到屋企開電腦check e mail先記得。我抱住萬念俱灰嘅心情去睇,我所有科目都係......


in progress


原來我個department未出成績,頂!

2010年1月5日星期二

我要寫好依個blog

其實一直都有喺xanga寫下blog,雖然都有唔少人睇,不過由於xanga實在太唔好用,所以而家決定回歸blogspot嘅擁抱之中!繼續同我嘅無聊抗爭到底 !


雖然見到右手面個count得十幾個人有d灰.....不過其實我重未公開俾朋友知,希望可以搞靚d先出街!


其實依個blogspot由2003年已經開始有,到今日足足有7年喇!
而家睇返,先發覺以前寫果嘅野真係幾灰,不過過去已經過去,希望今次有個好開始啦!


由今日起,我決定寫要寫好依個blog!

2010年1月4日星期一

咒怨

識得我耐d嘅朋友就知我個人真係好容易natural high(亦非常容易natural down),一high左就亂噤講野。早幾日又係因為我natural而發生一件事,絕對為我09劃上一個gag嘅句號。


事源果日係假期,地鐡塞滿人,噤我就同另外一個朋友靠住扶手企,企企下突然發現腳下邊有一隻小手捉住左扶手,重要只係見到隻手,見唔到樣,原來因為車廂太多人,所以有個小朋友踎左喺地下度。我喺本能之下,就好大聲噤叫左句,'嘩,咒怨個靚仔!'


聽到的噤講,我身邊果個朋友已經笑到死左,不過點知前面有個女人笑得重勁過我地,原來係個小朋友個媽咪,佢就企左喺我面前。三條友笑到停唔唔到,可憐個小朋友重好天真噤望住我地。


YOYO!好彩個小朋友媽咪係好後生,係玩得之人。如果唔係被人打都似。哈!





.

2010年1月3日星期日

改變我性取向的遊戲

原來諗住快快手打埋《這不(只)是關於愛情第四回》,不過打打下走左去打新game。
一係唔打,一打就打到凌晨3點。嘩,真係十年未試過!不過到底係咩新game可以令我打到廢寢忘食呢?什至可以改變我性取向?

登登!就係Bayonetta




隻game真係堅好玩,雖然個題材已經被人玩爛曬,又係拯救世界之類,而且之前又有隻DMC,不過都絕對唔影響Bayonetta喺我心目中嘅位置。Bayonetta出色唔止係佢多采多姿嘅動作,最重要係佢夠型!

女主角口臭爛口已經唔係常見,寸得泥又好合我心意。最掂係佢經常擺出一d超越人類可以做到嘅動作。唔止雙手有鎗,連對腳都有!
試問你幾可見到有女人可以噤坐而又噤有女人味?(除左AV)



避子彈避到隻腳一字馬,真係睇到我嘩嘩聲!
中指開電單車又係一絕!(想知點開,自己買泥玩下啦!)
睇埋個CV真係流曬鼻血!!




雖然未玩完,不過我相信Bayonetta係一隻可以改變我性取向的遊戲!
大家有機會真係玩下!我又要去同姐姐玩喇(被調教),哈哈!

2010年1月1日星期五

09年大事回顧

希望可以趕得切喺2010年之前打好依篇09回顧


而為免好似阿Pat所講,我篇09回顧變左笑話,我決定好嚴肅去寫.....
1月 - 鮮浪潮拍攝進入最後階段

2月 - 鮮浪潮最後趕工

3月 - 好朋友馬仔離開了我們,而Merry Christmas成功得到最佳電影

4月 - 與script writing搏鬥

5月 - 放sem break喇!

6月 - 返工,去返同一間公司做野

7月 - 決心與那個人見面

8月 - 台灣半流浪之旅

9月 - 與好朋友起爭執,卻又戲劇性地和好

10月 - 陷入愛情苦惱之中

11月 - 忙忙忙

12月 - Directing死亡拍攝,首部個人短片《今天,宇宙由我來搞亂》成功放映


09年絕對係情感爆發嘅一年,身邊發生左好多好多事,有開心有唔開心,最難過是好朋友馬仔的離開,沒有什麼比你的離開令人更加重要,希望你在那一個世界活得快樂,我會記著你給我的話。

09年,我遇上了我第二個喜歡的人,曾經為這個人花過很多心思,亦有不少希望,最後得到這個結果,當然係好唔開心。10個朋友有9個都話我戇居,應該早些放棄。不過我就是這樣的硬頸,死不相信,苦苦等待,但換來只是更多更多的失望,或者我這個人很容易被人蝦啦,不過很感謝,經過這次,我學懂了很多。

‘如果你不喜歡那個人的話,請告訴他,不要因為喜歡那種被愛的感覺而拖住他。’


在過去一年,因工作的關係而認識了很多朋友。很多謝你地依一年的照顧,沒有你們,我什麼都不是。當中包括心地好(讚你呀!!)而又mean到爆嘅A先生,如果冇左你,我可能重係自閉仔,你明我講乜野啦。哈!我是個很差勁的人,未來我仍然會很差勁的活下去,不過我身邊總有你們。新一年,要多多關照!!!!

你問我09年有冇期望?當然有啦!不過只有一個,希望我可以堅強的成長下去,成為一個令人信任的人!哈哈!


2010,Happy New Year!!!!!

LinkWithin

Related Posts Plugin for WordPress, Blogger...