2011年4月19日星期二

無聊也有其完結的一天


結果因為我太笨,太過老實,太過心軟才會弄至今天的田地。苦苦掙扎只會是徒勞無功,雖然有些可惜,可是無聊也有其完結的一天。

抱歉沒法完成「這不(只)是關於愛情」,沒能向大家介紹我其他3隻可愛的貓咪,沒有寫更多無聊的生活瑣事。感謝每一個有看,有留言的朋友,很高興認識你們。

可能有一天我會再寫,但不在眼前。

永不要成為那些討厭的大人。

2011年4月15日星期五

好玩好睇好濕肉蒲團


人生總要咸一次

《3d肉蒲團》絕對是我本年度最期待的電影之一,我那如野獸般的男人魂已經早已按捺不住,今日第一日開晝就仆去買飛,結果7點,8點同9點飛竟然爆曬,而10點都已經7成full,重要冇曬好位,不過都無阻我嘅決心,買就買啦!


我之所以噤想睇唔係因為我咸濕,而係作為一個電影系學生,我對香港電影未來絕對充滿信心,希望可以為香港電影出一分力。而我如此純情,都只係抱住一個純觀摩的心態去欣賞..............

10點未開場,場外已經人山人海......


我同朋友都好好好好好好好興奮,可能係因為我同佢噤大個仔第一次入戲院睇艷情片。唔單止我地,我直情feel到全場都好興奮,重好玩過新年倒數!!

別理會那無聊的劇本及完全扭曲的愛情觀,作為一套笑片(?),《3d肉蒲團》絕對合格有餘。雖然都係玩屎尿屁同港式粗口,但當中有好幾幕更令全場笑到拍曬手掌,色情部份就唔多討論,但係幾個女主角演技比想像中好,不過發揮空間不太多,主要都係叫,叫同叫。而各男演員個表情好好笑,百份百的咸濕樣,超浮誇的演出同其他綠葉亦係另外一個笑位。

最搞笑係睇睇下,後面有個男人突然笑到噴汽水,搞到我同朋友成隻手濕曬,之前有朋友已經叫我帶定幾包紙巾,估唔到最後都真係............濕左。

$97的確有d貴,不過為左香港電影業,豪出去啦!!!今次肉蒲團真係好玩好睇重好濕。

2011年4月12日星期二

那個匿名的留言

有時,我會懷念你的匿名留言。

明明知道是你,我卻又喜歡裝作不知道,笑笑的扮做傻瓜。而你總喜歡用第三者的身份,訴說著我們的事。你的匿名留言有時帶來我無限的快樂,有時又會是巨大的迷思。

我們在一起卻又那麼抽離。

有人說時間是治療的最好方法,可是過了這幾個月,那種討厭的感覺仍然揮之不去,那不是一種接近懷念卻又與懷念背道而馳的一種感覺,就好像一個巨大的迷團,當我嘗試想搞清楚是什麼感覺,卻又發現自己站在原地,什麼也聽不到看不到,自己一個。平時被一本書一套電影弄哭的我,卻沒有為我們留下過一滴眼淚。是我不夠失落,不夠傷心,還是愛不夠深?

時間再過一些,我最近開始明白,那是一種怎樣的心情。

我不想輸

我那可笑的價值觀曾經告訴我,愛情不應該有輸贏,可是我感覺真的輸了,從來沒有的失敗感覺。
記得我說過,每一次要分開的時候,我總要看著你的身影完全離開我視線,我才放心離去嗎?因為我是很珍惜每個一起的時間。

我會是那個我靜靜看著你離開的那個小伙子。

我會懷念你的匿名留言。

2011年4月8日星期五

我們是快樂的好貓兒 - 矇豬仔篇

還記得對上一篇嗎?想當年.......


明明話叫人留意個blog,結果過左一半零二個月,矇豬篇先出現............

好,事不宜遲,我們是快樂的好貓兒,矇豬篇開始!!

                                                  


姓名﹕矇豬仔
外號:矇豬、佬,肥佬.......任何麻甩的名稱
性別﹕男
年齡﹕4歲
家中排行﹕二佬
嗜好﹕食、訓、摸下巴同蝦其他貓

眼晴大大嘅矇豬點解會俾人叫做矇豬仔呢?其實矇豬係有一段非常悲慘嘅過去,當佢只係得幾個月的時候,因為寵物店衛生問題,令矇豬患上非常嚴重的皮膚病,雙眼發炎而撐不大眼睛,寵物店亦很不負責任的把矇豬交到我們手上。

因為怕矇豬會把皮膚病傳染給喜兒,媽媽曾經想過把矇豬送回寵物店,不過當時的我知道如果這樣做,矇豬最後只會死路一條,所以堅決反對。

最後,經過我地成家細心照料,矇豬仔終於好番,正式成為我地家中嘅二佬喇。



而矇豬的身型由當時瘦瘦的突然暴肥,變得超大隻,亦開始展露佢麻甩的一面。矇豬曾經有一段時間很喜歡襲擊我(事蹟),每朝準時叫你起身餵佢。不過同時間佢又好識lum人,每一晚佢會好自然走上你張床到,訓在你的手臂上,就好似噤......



絕對係百份百的情慾照(圖一床單不是我的),而且佢同其他貓唔同,佢訓教時,就算你點搞佢,佢都唔會醒,同一隻死貓冇分別。重有,佢對自己條尾有異常的癖好.........




好,講住噤多先,下回將會係極少人見過真身嘅三家姐 - 白白!!!!!!!!!!

2011年4月7日星期四

做人直接d好 和 女友心中的基佬

在我中學時,間唔中會和幾個同學去仙跡岩流連,當年台式飲品店不多,仙跡岩成為愛好台式飲品者的唯一選擇。

當時仙跡岩有一個很搞鬼的飲品叫「隨便」,搞鬼原因係因為你永遠都唔知自己會飲到咩,水吧哥哥隨他的心情而調製出一杯飲品給你,就算你叫5杯「隨便」,5杯都可能會不同。即使「中招」機會好大,好奇心異常旺盛的我每一次都會點「隨便」,成為我中學時的一個回憶。

早排在facebook見到朋友貼上一張相,令我驚嘆萬分,事原係佢去飲茶時,發現有個點心叫「這不是春卷」。


嘩,「這不是春卷」同藝術大師Magritte其中一個最出名作品 - 「this is not a pipe」有異曲同工之妙,諗依個名嘅朋友一定係好有文化修養。而我朋友話,最後泥到,係一條比較長的春卷,佢本質上都係一條春卷,好有contradiction,估唔到飲茶都可以噤有藝術味道。


而我早幾日打邊爐,竟然又遇上同一情況 - 「估你唔到」。好好地打邊爐,搞咩野有個「估你唔到」呢? 到底係唔係因為翻譯問題,但係當干炒牛河都可以譯做「fxxk to fry a cow river」時,重有咩係唔可以翻譯到呢?

分明係挑戰我嘅好奇心,依12蚊豪俾佢!


結果...


所謂希望愈大失望愈大,好失望,好失望,所謂的「估你唔到」只不過係放紅蘿白片上的豬肉丸.........

朋友話佢上碟屎俾我就真係「估你唔到」喇,又係喎。

                                                                                  

B:我公司有個女同事話好想有個基佬朋友.....

A:吓,噤奇怪,做咩突然想有個基佬朋友?

B:佢有聽903少爺占個朱艷強節目,佢覺得基佬好型,好細心,好想有個基佬做知心朋友。

A:(大悅)哈,係咩?哈哈哈哈哈哈!真係咩?你可以介紹我俾佢認識,我冇所謂ga,哈哈哈哈!

B:唔好喇。都係留番個希望佢好d

A:點解?

B:以前同佢一樣噤諗,但我認識左你之後,我d美好幻想冇曬......

A:*!%#(*&%!(#$%!(!)*$!)$!%$

2011年4月6日星期三

那個在KFC看書看到哭的男人

有時候,我會被我看書的那份認真所嚇倒。

只要我專心,厚厚的哈里波特不用半天就可以看完。

每個月出糧的時候,內心總在掙扎要不要買書看,無論是漫畫好、小說又好、詩集、遊戲雜誌都好,只要能讀的,我都會讀。

我又敗了。

又是我最喜歡的台灣作家九把刀。《這些年,二哥哥很想你》不是我看過他的作品中,最好的一本。可是書中寫到他面對第一次分手,面對畢業後對自己未來的迷思,竟和我現在的生活有一種莫明的聯繫,很有衝動想看下去。而原本一直忍著不看最後的幾章,因為異常性感感性嘅我一定......但最後都忍不住,在返工前在KFC的一角把它看完。

一看就不得了,雖然明知道故事的結局,不過最後仍然忍不住。一個大男人在KFC裡頭因一本小說而哭,的確有點奇怪。

不過我在九把刀身上學會...

可以大聲哭,可以大聲笑的男人,可以尋找自己喜歡的東西,才是最強的男人!!!!!!

願我有一天,可以寫出這樣的一個故事。

LinkWithin

Related Posts Plugin for WordPress, Blogger...