傻仔北京行

拖左差唔多兩個星期，終於有時間打埋篇北京行喇！大家睇嘅時候，可能會出現時差，見諒！
                                                       
是咁的，話說我連續工作13天之後，終於有我第1日假期​，正所謂偷得浮生半日閒，我就緊係唔會就噤浪費啦！我​一早就拉左我同事，出發到北京各地探險！


事前其實我地係0準備，只係大概計劃去那裡。其實除左我地住嘅朝陽區比較熟悉之外，對其他地方嘅認識係接近0!所以今次外遊對咱們來說，絕對係一個挑戰！


好！事不宜遲！第一個目的地就係798藝術區！

故名思義，798藝術區係一個充滿藝術氣息嘅地方，前身是一個工廠區，故入面仍然保留左好多工廠設施，而裡面有各個不同形式，大大小小的藝術展覽，絕對好適合我依D噤有文代氣質嘅人參觀。哈！

雖然係藝術區，不過裡面商業味都幾重。不到10分鐘，我就在一間叫「肚臍眼」的店，以狂風掃落葉的姿態買了四百多元的衣服，哎呀，沒法子啦，在北京不夠衣服穿.........

（靠！什麼「噤有文代氣質嘅人」？根本就是個徹頭徹尾是個消費主義者！）

整個798藝術區很大，相信要走完要花一天的時間，在各種展覽中，可以看到很多當代中國藝術家的作品，由國寶級畫家到大型裝置藝術都有，絕對係大開眼界！可惜我去的時候是星期一，很多gallery都沒有開門，有興趣去的朋友要注意！

離開798之後，我地就出發去天安門廣場。我們去的時候是星期一，可是人流亦很多（不過我覺得星期六日海洋公園嘅內地朋友更多.....）。

在天安門廣場拍過靚照之後，我地就好快轉到另外一個景點 ﹣ 故宮！故宮其實就在廣場旁邊，幾分鐘就到。

天安門廣場驚現千年老官女！

在故宮走著走著，竟發現一個叫宮女真實生活展的地方，門口還註明「宮女要忍受什麼非人折磨？」就這一句，令我腦海中浮現電影「滿清十大酷刑」中的木馬刑具，哇哈哈，諗起都好興奮。二話不說，即使要10元入場費，都令我忍不住入去看過究竟！哈！

好失望，真係好失望！

什麼宮女真實生活展？所謂的展區比我家還要小，1分鐘就已經行完。原本以為有好野睇嘅我真係好失望，當我見到宮女個樣嘅時候我直情絕望了.......

哇呀！而且展覽中同場加映個埃及展，有冇人可以解釋，好地地一個宮女展，點解要會有具木乃伊呢？到底故宮同木乃伊有什麼關係呢？唔通宮女死左之後會拎去做木乃伊？我相信即使慈禧太后翻生解釋唔到......


旁邊重有個楊貴妃展，乜 楊貴妃都係住故宮咩？

好可惜，原本好想參觀故宮博物館的我，去到才發現閉館時間是每日4點鐘，而咱們去到嘅時候係4點01分，不過唔緊要，下次再泥過！

開心到飛起！

參觀完故宮後，咱們本打算去王府井，卻誤以為王府井是在天安門廣場那邊，結果最後走錯路，問路人才發現王府井是在故宮的一旁，結果我地又要掉頭走回去，腳斷喇！！！（其實咱們係有地圖，只不過懶唔睇......）

千辛萬苦終於到了王府井喇！那裡其實和香港的銅鑼灣差不多，都有很多中小型的連鎖服裝店，而價錢和香港的差不多。走著走著，竟然給我發現一個熟識的景象......

北京的APM!!!!!!!!

不過好可惜沒有KUBRICK，如果唔係個個星期去一次都得！


其實王府井沒有什麼很值得去的地方，不過無論如何一定要去它的小食街。裡面可以找到千奇百怪的東西吃，例如蠍子､蠶繭､海星､蜘蛛､海馬､蜈蚣､不明肉類等等。當我驚訝到底有冇人會食蠍子時，我面前就有個小女孩手拿一串蠍子的，一口咬掉它的尾，大口大口的吃著，我心中不禁大叫一句﹣ 嘩！表妹你好野！

當然重有好多正常的食物啦，各種平靚正嘅串燒，重有香港瀨尿牛丸！！在王府井遊覽完畢後，咱們就開始全日最可怕的任務 ﹣ 截的士！

在北京截的士是一件非常痛苦的事情，因為北京的士和香港不同，司機是可以拒載的。太遠的，太近的，他們不認識的，不順路的，看你不順眼的都不載，而且他們大部份都是路盲，無論你說得多清楚，寫埋地址俾佢地都好，佢地都係唔識去。以我經驗，10部的士中，只有3部可以係可以順利到達目的地。

咱們帶著疲累的身體沿馬路一邊行，一邊截的士，就好似電波少年一樣在街上遊蕩。不知不覺就行了一個多小時。試過一次，的士司機完全無視咱們，而U Turn去接對面的長腿女孩！！！哇，我靠！在不斷的被拒絕，被打尖，被無視之中，最後咱們在十字路口包抄先「欄截」到一部的士。

雖然係噤，但係我慢慢發覺，北京是個很可愛的城市！