2010年7月31日星期六

驚嚇美少女(看圖作文)

上回開估:

我: 靚女,個樣做咩噤驚,唔通你見到色狼?

美女: 唉,你有所不知,最近公司做promotion,老闆話$396任玩一個鐘,緊係驚啦,俾人任玩喎,真係見到色狼都冇噤驚!

我: 吓?.................任.........任玩一個鐘.....玩...玩...咩...呀?

美女:  有LCD大電視,重有高級音響器材,緊係玩遊戲機啦,如果唔係重有咩玩?

我: ..........................................




唔.....................................我寫完都覺自己好無聊.......................................

2010年7月27日星期二

我的第一個一萬

知唔知依個數字代表咩?



登登登登,就係我個blog終於突破10000人次!


雖然人工冇10000,不過blog人數有10000同樣開心,yoyoyoyo! 希望未來重可以keep住有更多無聊野發生,日日新鮮,日日金!

                                                            

(學火影大哥嘅)明日預告:

點解依個美女個樣噤驚,驚到眼都突埋?唔通佢........?


2010年7月25日星期日

與 美女,老野 對話

最近打blog次數愈來愈少,已經被人追blog,而且又被人投訴blog內容唔夠精彩,所以我真係要努力發掘身邊更多無聊事。(其實主要係因為我懶......)

                                                                                            

極少開MSN嘅我,最近連facebook都delete埋,生活突然好似多左好多時間,不過由於工作的關係,平時返工都要開返MSN,一係唔開,一開就中毒......T.T

MSN絕對係一個病毒的溫床,每一次上線的時候,都一定會收到朋友send過來的病毒網,叫我玩咩IQ test,又有咩性感相要同我分享(親愛的朋友,我認識你這麼久,你嘅性感相,我只是想像已經打左個震.....),每次我心裡面除了怨恨之外,亦都會報以一千萬個恥笑,點解依個世上重有人噤蠢去開D link,不過依件事最後竟然發生在我身上......

我公司電腦上一手就是一個這樣蠢的人,亦都係見link就開嘅「精明電腦使用者」。

我就因為噤,成為那些被怨恨被恥笑的那一群人.........頂.......

我要鄭重聲明,我馬田亨絕對係一個非常精明嘅電腦使用者,依D link,我係唔會試ga!

除此之外,每次上線,總會有數十個奇怪的人要跟你成為朋友,名子亦極之難記,如RosalieCastellaw6402,TennilleKlumpphuiwi,LeishaFadnessobesw等等,用極其下流的方法去引誘你去做某些網的會員又或者開一些link,真係見一個block一個,不是有一次我真係頂唔順,我決定挑戰依一D電腦程式.......

(為方便閱讀,以下內容有小許更改,原版本為英文)

病毒少女: ♡♡ 唔,天氣噤熱,我真係好想著條好sexy嘅小熱褲呀,哎呀,唔知你鍾意我著咩顏色嘅sexy小熱褲呢?♡♡

我: 粉紅色please

病毒少女: ♡♡ 你真係一個好乖嘅小男孩呀~~好啦,我就送d野俾你依個噤乖嘅小朋友啦,你想我做咩都得嫁 ♡♡

我: 我要睇你相

病毒少女: ♡♡ 我好怕羞ga,如果你想睇我果D好sexy嘅相,我俾個網頁你啦~~你唔登記就唔可以睇我個好sexy嘅小屁股ga喇 ♡♡

我: 其實我都有一個好鬼死sexy嘅屁股,我都好想俾你睇

病毒少女: ♡♡ 你只要去xxxxxx.com就可以搵到我個sexy 屁股相喇♡♡

我: 你去yahoo search sexy ass都可以搵到我個好sexy 嘅ass喇

病毒少女: .........................

雖然明個係電腦程式,不過都真係幾好玩,病毒(美?)少女被打敗了!


                                                              

又係關於網上電腦問題,最近在網上打xbox 360時認識了一個新朋友,言談之間發現他只有14歲,知道之後,我就講笑噤講......

我: 嘩,你得14歲,同我比,我就係個老餅泥喇.....

14歲媽媽少年:  係呀,唔知點解,我平時上網玩xbox都只係識到你地依d老餅,好似我噤後生就真係好少見.....
我: (^(*!@^#*(!^$!_#^$_*

我個青春重係到,咩老餅呀??????????????????

2010年7月20日星期二

我不是腐乳,是一塊Pizza



早幾日跟朋友晚飯,突然講到一些時間的問題,朋友說自己就好像是一塊Pizza,所有的時間就不斷地給其他人瓜分,最後自己只得到一小片芝士。

原來,我都是一塊Pizza。

最近,或者我一直以來都是過著俾人瓜分的日子,每個星期都是過著六天半工作的日子(未計OT),有空的時間都是幫這個人,幫那個人,沒有自己私人的時間,連陪另一半的時間也沒有。

問自己過得快樂嘛,卻又不是怎樣。

或者是我慣於say yes的性格,別人要求什麼我都總會答應,可是我和其他人一樣,一天都只是有24小時,最後弄得兩面都不討好。

由今天起,我想我要慢慢學會say no。

2010年7月17日星期六

我認我咸濕 3

我認我咸濕2

早幾日食lunch時,食食下飯突然發現.....


又係咸亨,連樽腐乳都要話我咸濕....

點解!?!?!?!?!?!

2010年7月13日星期二

坦白

沒想過,坦白是破壞一切的源頭

雖然沒有刻意去做些什麼
可是我一直當你是我的好朋友
實實在在的好朋友

可能是我過份樂觀的想法
想你必定能明白我

(明白是一回事,接受又是另一回事)

你知道嗎?
我沒有想像中那麼強
沒有其他人能勇敢作戰的勇氣

我只是一個很平凡的人
只是擁有一個心臟的人
如果你想我們的友誼就此完結的話
好的,就這樣好了

或者我天生就要成為一個騙子
虛構著世上最出色的謊言

不甘心
可是不可能



for a special friend
if you don't want me to be near
i can always be so helpful
if you don't want us to be friends
i can always pretend to be joyful

and if you just can't remember
when we last time talked
i can tell you
it's long ago
when it last time snowed

anytime
anywhere
you can leave anyway
i won't mind
i won't cry
you can leave anytime

LinkWithin

Related Posts Plugin for WordPress, Blogger...