2013年10月7日星期一

呼叫吧!宇宙人!

期待已久嘅呼叫音樂節終於完滿結束!!

除左有超正嘅929,旺福同黃建為之外,最重要係有 宇.宙.人

快D再泥香港啦!!


P.S. 很久沒有寫blog,這裡已經慢慢變成荒地,開始寸草不生了........

2013年8月14日星期三

5號?6號?打孖上啦!


人生充滿選擇,點解我至愛嘅台灣樂團歌手一次過泥曬?

5號就睇硬,究竟睇唔睇埋6號好呢?

不如,打孖上啦!!!!!!

等等先........


呀!!!!!!!!!!!!!!!!!!!


2013年8月9日星期五

年輕的青春愛情喜劇

早兩日,跟一個剛出身的護士師弟聊天,他分享了最近一個關於他的故事。

師弟和同事A本在同一間醫院實習,二人都是高材生,亦因為這個原因大家都看對方不順眼,成了鬥氣冤家,閒時總會為小事而吵架,但慢慢二人開始培養了一種說不出的默契。會為對方煮飯、下雨的時候,即使不用上班,也會開車送對方回家、知道對方胃痛,會裝作漠不關心的樣子,卻又偷偷準備暖的維他奶,寫了字條貼在上面提醒記緊要喝。

故事發展下去,就如大家所料,A突然向師弟表白,而師弟就突然如夢初醒,發現原來他對他不只是朋友的感情。

自從小白之後,當中還有一個P,之後就沒有好好認真過喜歡一個人,特別是出來工作後,曾經遇上了很多人,但都沒有好好投入過,easy come easy go,無左,咪搵個另一個,當我聽到師弟個故事之後,突然發現自己原來變了很多,最大獲係自己唔發現。

我重好記得我以前掛住那個人在床上「典來典去」、為左令佢開心而花盡心思,做好多D無聊野、好記得以前見到佢ICQ online offline果種幻得幻失嘅感覺,但係而家,變得愈來愈唔會珍惜。愛情,對於而家嘅我,係咪?

喂,你去左邊?



農夫 



C君
作曲:C君
填詞:C君
編曲:Randy Chow
監製:Randy Chow, C君

十四歲升中三你啱啱初戀初戀幾好玩
好玩到每晚半夜三更傾電話傾到電話都無電
但係依然會掛念依然想見多你幾面
拍拖第一日就諗點樣去紀念一週年
拍拖第一個月就諗結婚要點 擺酒要點
兩個人坐喺餐廳一齊plan吓對仔女叫乜野名
直到三個月後 你第一次分手

十年後你拖過好多隻手
分過好多次手有d乜野唔妥
另轉頭跟過另一個走
無論有無另一半你都會flirt下人地
你唔鍾意佢地只係鍾意多d人鍾意你
唔可以俾自己有感情真空期
一個去一個嚟 拍得耐又會枯燥乏味
搵個新嘅曖昧 舊嘅講句再會
但係好快呢個next 又變下一個ex

過多十年你開始有錢有頭有面
有d咁嘅條件好自然想點就點
有好多人癡埋身邊
追求邊個異性都幾好反應好少會唔應承
垂手可得嘅感情 若有所失嘅心情
朋友結婚你諗唔明成家立室嘅感應
越嚟越容易得到越嚟越唔珍惜你所得到
Easy come easy go唔相信一世到老
每晚都有著落 每次都咁寂寞
你覺得最大鑊係慢慢失去咗愛嘅感覺
由熱情三個月到三十日到三十秒
拍嘅拖越嚟越多 感覺越嚟越少
玩得越嚟越癲 愛得越嚟越淺
你好想返番去以前會為左掛念佢左典右典
一個小時一個來電 喂你去咗邊呀

幾年後拍拖邊有舊時候咁享受
點樣有feel都得幾秒 然後轉身走
想重拾會三更半夜懷念你感受
點樣有返那種感覺 其實我好想補救

2013年8月2日星期五

春嬌與田亨 之 下集大結局.........?


由於年代久遠,強烈建議先睇番上一話先睇埋落去

                                                                                         

這是記錄我在北京的故事。

自從上次在故宮見面跟M交換電話之後,已經有足足半年的時間沒有聯絡過,還好那時候有拿到他的號碼,我就憑他的電話號找到她的微信,但我還是沒有勇氣按下「加為朋友」這一個制,我只能間中偷看她的照片,除此之外,我們之間就已經沒有任何聯絡或者交流......

在這段日子裡,曾經有朋友鼓勵我發短信給M,可是每次拿起電話,都沒有勇氣去按那個「送出」,對於M來說,我可能只是微不足道的一個過客......

事情的轉變是八月的一個晚上,那時候我決心辭工回港,所以就抱住「橫死掂死」嘅心情,在微信上發了一個邀請給M,幾分鐘後,

「我們認識嗎?」他問。

因為我的微信是用香港號碼註冊的,所以他不知道我是誰。

「認識呀,不過是很久之前的事了。你還是在故宮上班嗎?」

「阿?你是香港那個Martin嗎?」

就這樣,過了空白的六個月,我們又再一次的自我介紹,開始了應該早在六個月前就應該的對話。

短信中,我告訴他我很快就會離開北京,應該不會再回來,所以在離開之前想約她吃過飯,

「我知道有點唐突,不過我想問你有空出來吃個晚飯嗎?」

「大家都是年輕人,有什麼唐突,哈哈」

就這樣,我就成功約了我的女神!YAHOOOOOOOOOO!

坦白說,在北京這兩年中,我除了有約過一班「機友」打機之外,我就真的沒有在北京約過其他人,這次約了女神,心中難免又驚又喜,我跑遍了北京城買到最好的衣服(我在北京的時間是農民打扮),用25蚊剪了個地道北京頭,準備赴約。

那天我們選了三里屯吃飯,三里屯有點像香港的銅鑼灣,就是那種名店林立的旺區,我們在那邊選了一間中菜餐廳坐下來。M是典型的北京人,無論樣貌或者口音上都有濃濃的京味,在整個晚餐中,我用了九牛二虎的氣力盡力假裝輕鬆,一方面掩飾自己的緊張,同時間要處理好我早已打結的舌頭,但是整個晚飯還算順利。

就在我們談得興起的時候,突然M抬起頭跟我說,

「我要出國了!」

「出國?是要去旅行嗎?」

「我下個月會離開北京,去XXXX大使館工作3年.......」


什  麼!?

尤如TVB老土劇情,灑狗血的韓劇一樣,當我搵到女神嘅時候,女神竟然要離我而去!!!!

我已經忘記那XXXX是什麼地方,我甚至連聽也沒有聽過,只知道是個非常落後的地方,但一切一切如像晴天霹靂一樣,看著面前的女神,我的笑容開始變得殭硬,心裡面默默的流著血.......

後來發生什麼事我也不太記得清楚,只記得那一晚,女神開著車把我送回家。

後來的後來,我知道女神沒有去到XXXX的大使館,我也沒有即時回香港,或許這是個美麗的謊言,而我和女神的故事亦告一段落。

2013年7月29日星期一

音樂劇之夜

在過去的星期六日,過得非常精彩,連續兩日看了兩套音樂劇,第一套係SkyWalker 的中文版《油脂》!

劇情方面應該不用跟大家介紹,雖然當中有很多不完美的地方,但是看到一班年輕人在台上又唱又跳,用心的演出,一切問題都已經不是問題了!

突然開始覺得自己老了......唉......


第二套係演戲家族《美麗的1天》,本身是帶著很大期望去看,結果亦沒有失望。簡單的故事,一點都不簡單的道理,很喜歡整個舞台效果,簡單的佈置卻在表演形式上花了很大的心思;各演員無論是演或唱都非常出色,2個小時中讓觀眾很投入那漂亮的大河村之中,如果有機會重演的話,真的不可以錯過!


但最大最大的驚喜是.........《遇上1941的女孩》重演了!!!!!!!!!!!!

記得我第一次睇,亦即係上一次演出已經係14年前,那時候我重係個F.1 雞,那時候因為票價很貴,沒有到現場看,只能買DVD回家看,結果一看便完全深深地愛上,我那時候看了不少於10次,還喜歡到把原聲CD都買回家!!

15年後的今天,竟然俾我有機會可以睇到現場演出,我今生無憾喇..............嗚呀!!




2013年7月19日星期五

那年.遇上世之介


「能遇上,已萬幸。」

有些時候很難去定奪一套電影是好是壞,它即使是不完美,但卻有些地方震盪人心,而《那年遇上世之介》就是其中一部。

電影講在世之介在大學遇上的人和事,在2小時40分鐘的電影中,你會發覺男主角世之介其實只不過是一個普通不過的男生,他的性格很特別嗎?也不是;他改變了很多人嗎?也不盡是。但是你總會在身邊找到一個和世之介很像的人,他的傻氣會帶給你歡樂;當你失意時會帶給你支持,而那個他,總會在不知不覺之下消失在身邊,在多年後的一個晚上,你會突然想起了一些事,一些人,你總是想不起他的名字,但是,你會想起了他。

電影播放完,我想起了那個你,對了!今年還沒有給你寫信給你,其實我一定都記著,可是總是鼓不起勁提筆,但是我從沒有忘記。

遇上你,是我們的幸運。

 

2013年7月18日星期四

我.重.未.死!


我.重.未.死!

不知不覺原來又差唔多一個月沒有更新過個blog,就連facebook都冇更新過,究竟我去左邊?咪就係走左去.........健身


幻想圖

返正題,其實自北京返港之後,跟將個好友們搞左間製作公司,正式榮升成為......


馬 田 CEO 亨!



多多指教!我公司仍然在起步階段,還望大家多多提點!雖然搞公司真係好好好好忙,有時忙到放左好多人飛機(對呂住各位),但係始終係自己野,而公司很幸運地,公司發展一直都很順利,所以點辛苦都好,都要俾心機做!

以下連結是我們公司暫時的facebook page,希望大家俾個like! 支持一下!

https://www.facebook.com/pages/Sparx-Productions/617671981599822




PS:哎呀,好似變左廣告貼,不過唔使擔心,我會keep住update 個blog,請大家繼續支持!!


2013年6月18日星期二

第一個!第一個!!!!

終於出街喇!

感謝各朋友出手相助!小弟公司第一個拍嘅廣告!請多多支持!

(傳說話點擊過萬,女主角會著3點式出場!)

2013年6月15日星期六

好人難做

回家後脫下鞋,才發現自己的右腳早已腫到成隻豬啼一樣,連床也不能下。

由今天早上在街上狠狠跌了一跤,之後還堅持開會,在銅鑼灣鬧市中穿梭,在大雨中趕去九龍灣,冒著大風大雨在街上等車,千辛萬苦才到紅磡。

每走一步,右腳都痛得很。

中間又收到客戶無理的要求,當我是義工嗎?我沒出聲就代表你能得寸進尺?然後,因為你的原則,忍著痛在紅磡火車站等了近45分鐘,回家後為了等電話亦不能睡。

換來的,只是一句「嗯」。

結果,這個好人亦只是一個好人。

好人不要隨便做。




2013年6月6日星期四

你離開的這一夜 ﹣咪咪



這一夜,妳離開了,感謝你在我最孤獨的日子,一直默默的陪伴,你是個乖巧漂亮的小女生,願你在彩虹橋那邊快樂。

對不起,咪咪,原諒我沒法好好照顧你。

2013年6月5日星期三

6 x 4 = 24


即使有一百個反對我去的原因,也不及一個我去的理由。

6 x 4 = 24


2013年5月26日星期日

中藥 啤酒 我


成世仔,最憎就係飲中藥同酒,一日之內同時飲曬兩樣野......


經過一晚,看清楚一點人和事,「有些東西不是屬於你的」,好吧,重新開始!

2013年5月23日星期四

《18禁》別要媽媽陪看中醫

話說回港後,身體愈來愈差,經家母不斷的督促,終於約了時間明天去看中醫。

好友知道後,提醒我千萬不要帶媽媽一起去,否則只會發生悲劇,追問之下,聽到一個可歌可泣的故事......

好友的朋友A先生身體不好,所以就跟媽媽一起去看中醫,醫師把脈後,就沉重的說......

醫師:你......係咪日日打飛機?

A先生:吓?

媽媽:..............

醫師:你脾虛體弱,唔好日日打喇。

A先生:我......我.....冇......

醫師:唔好呃我喇,係唔係日日打,我一眼就睇得出!

A先生/媽媽:..............

雖然依個故事講唔出咩大道理,但係我睇完之後覺得非常之有親切感,所以我高度推介俾所有男仔細閱。

聰明的我,當然知道點做啦,聽日當醫師問我嘅時候,我都可以充滿自信的回答,「係呀,日日打又點呀!?!?!有問題牙!?!?!」

最後一段純屬虛構,如有雷同,實屬巧合。



2013年5月17日星期五

Super Dry


我站在櫥窗前想了又想,為什麼要大大隻字要在下體(更正,是條褲上面)寫Super Dry呢?

中文更加奇怪,極度乾燥,哎呀,乾燥就要揉Cream 啦!其實無論點樣,著得佢出街,都係想話俾人知.......

我 好 D R Y !

2013年5月10日星期五

關於你的眼鏡

你從來不讓我看你戴眼鏡的樣子,那天你說,你不喜歡你戴眼鏡的樣子,很醜;我說,多醜我也喜歡。

結果,在我們說再見的那天,我也沒看過。

後來的後來,我們都開始忘了對方的存奈,各自忙著自己的生活,那天朋友發給我一張你最近的照片,照片中的你戴上眼鏡,充滿傻氣,仍然是如此的美麗。


2013年5月9日星期四

《18禁》都市傳說系列﹣尋找隱世高手「搞基孖寶」


話說早2日友人從whatsapp傳來一張照片,竟發現香港原來有2個絕世高手「搞基孖寶」隱藏於民間,而且受到奸人所害而被賣落火坑(或自投火坑),所以我馬田亨本著發掘真相,濟世為懷(?????)的心態,決定出發到鴨寮街實地報導!!

經過一連串的翻山越嶺,坐左12分鐘地鐵後,在危機四伏的鴨寮街穿梭,終於俾我搵到鴨寮街176號!!!!!!!!

結果.......

















說好了搞基孖寶呢!?!?!?!

毒龍鑽呢!?!?!?!

絕世雙股呢!?!?!?!




其實我係去鴨寮街買燈膽渣......(點解要山長水遠去鴨寮街買?)你信我啦,我真係買燈膽渣.....

2013年5月7日星期二

懵豬的身世

今天在街看到偶然這張招紙後,我就一直鬱鬱不歡,有些事情,要來的始終要來......


回到家後,我看到訓到成隻死豬噤的懵豬,我心裡一沉,可是有些話,還是要坦白......

我:懵豬,過來一下,爸B有野要同你講......

懵豬:喵?咩事呀爸B?

我:無論之後你聽到咩都好,你都要振定,爸B永遠都係噤愛你!

懵豬:喵?

我:其實...其實...我唔係你真正主人,你......你係我汁返泥.....

懵豬:喵!?!?!?!

我:而且我地一直呃你,你唔係叫懵豬,真名係洛奇,唔係英國短毛貓,其實你係一隻真真正正,5個月大的大白藏獒!!!!!

懵豬:喵!?!?!?!但係...但係我今年已經7歲了,喵?

我:......其實.....其實.....貓齡同狗齡其實係有....有D分......別,想當年我喺太子道汁你返泥後,將你視如己出,不過而家終於搵到你真正主人,雖然萬般不忍,但係...但係你係時候回去佢身邊.....

懵豬:.......

我:你唔使擔心,新主人果到D貓糧,唔係,係狗糧會高級好多,個貓廁所隨時大過我間屋,重有好多臭鞋俾你玩,而且雖然你被閹左,但一定會有好多狗女同「對食」......

懵豬:.......

我:好!係時候吠2聲來聽下,come on,跟我叫, 汪!汪!

懵豬:傻的嗎?喵?(走)

我:死貓,死貓返泥呀,死貓...................喜兒,Q仔過泥,爸B有野同你講......


2013年4月12日星期五

3個月又3個月,文呢?

回顧一下,原來對上一篇blog文就是早2個月的一句「新年快樂」,其實在京的時候寫了很多blog,不過大部份都爛.......左....尾........

包括春嬌與田亨下集(真係有下集!)同寫左2年的新系列(唉),既然起左個頭,都應該寫埋落去,所以未來兩個星期,我會盡力補完佢地!希望各位支持下!



嗱,我話盡力渣!

LinkWithin

Related Posts Plugin for WordPress, Blogger...