2022年11月29日星期二

《虛空的虛空》



曲詞唱 歐陽德輝 又結束一堆瑣碎事情 習慣將肌膚冷靜 用耳朵呼吸思緒暫停 大概非必須拼命 形形色色生活裡 零零碎碎的模樣
尋尋找找的路向 來來去去夢一場 怎麼我已做了很多 卻又似沒有做過甚麼 髮線又往後退幾多 依舊播放聽過的歌 揚起灰塵 只不過 感覺 又吐出煙圈方向未明 沒有一絲絲倒影 用眼睛聽聽思緒暫停 聚散笑與喊不定 形形色色生活裡 零零碎碎的模樣 尋尋找找的路向 來來去去夢一場 怎麼我已做了很多 卻又似沒有做過甚麼 髮線又往後退幾多 照舊播放聽過的歌 揚起灰塵 只不過 感覺 怎麼我已做了很多 卻又似沒有做過甚麼 髮線又往後退幾多 照舊播放聽過的歌 最愛偶像剩了幾個 告別了身影又有幾個 天空又有候鳥飛過 如風一般輕輕飄泊 呼吸的人 不止我 一個 你我都不錯 虛空走一趟 剛巧的經過

2022年6月7日星期二

關於Q仔

關於Q仔 2008 -2022 6.6. Q仔2008出世,算係第4隻加入我哋屋企嘅貓,由於眼細細加上眼皮下垂,睇落去天生一副「慘情樣」,所以Q仔又俾人叫「陰公」、「慘慘貓」 、「慘豬」 

至於Q仔性格方面,由於是孻仔的關係,除咗體型係咁多隻貓貓最細粒之外,性格亦都係最鍾意蝦蝦霸霸,成日蝦大家姐喜兒,最鍾意跳嚟跳去,明符其實嘅百厭星。 當初接Q仔返屋企嘅時候,幾個月後就發現佢唔係好去到小便,我就漏夜帶佢去太子睇醫生,好記得當時醫生擔心佢天生尿道有問題,曾經建議我人道毁滅而家諗番起都好嬲) ,結果我就一個坐咗喺診所門口到一個人喊到死死下,最後同屋企人傾完,決定帶Q仔番屋企,而依一番,就係我哋同Qo仔14年嘅故事開始…… 

 Q仔最得意嘅地方,就係佢好鍾意喺我房門嘅衣櫃裝下裝下,當你叫佢先會斯斯然行去你身邊;而佢最鐘意就係大字型訓喺廳個地下,當你叫佢,佢條尾就會fing下fing下,hea住咁俾你知道佢聽到㗎;另一樣佢好鍾意嘅,就係貓草,只要俾少少佢聞一聞,佢就會好似初號機咁暴走,生人勿近。 

 就係咁,Q仔就同我哋生活咗14年咁耐,早幾個月開始,Q仔體重下降,感覺上一下了老了很多,行動亦不如以前,由以往唔鍾意食零食到日日lun住要食。早二天,Q仔不吃不喝,亦只會趴喺地下,今天出門上班時,我跟他說, 「等我一等,我好快就返!」 結果來不及回家,正當母親準備出門時,Q仔就開始唞大氣,不久就離開了,我知道,他一定是很怕寂寞,很怕自已一個離開,所以當知道屋企好快無人時,他就決定畢業了。 

 Q仔,對不起,哥哥沒有遵守諾言陪你走最後一程,但係我好想你知道,我好愛你,愛你的好,愛你的頑皮,愛你的所有 自前年喜兒走咗,到上年年頭ET和矇豬先後到彩虹橋之外,Q仔亦終於要喺藍星畢業,要到彩虹橋搵朋友。雖然明知會有依一日,但係每一次嘅離別,我個心裡面少咁忽肉 

 即使我唔再俾你煩住日日要食零食;唔使每次沖完涼都擔心開門撞到你,然後又手忙腳亂咁捉你出廁所,但,我會寂寞,然後想念這一切 

 The world that I knew... has disappeared. 

 如果有來世的話,我多麼多麼我的想再跟你們一起生活 等多我一陣,我們,那邊見 我愛你們

2021年8月6日星期五

 害怕

記得小時候最怕看明珠台,並不是因為英文原故,而是它的廣告

還記得那時候有很多外國的汽車廣告,每個廣告都出奇地安靜,靜得好像沒有什何聲音,畫面只是看到汽車駛向不見盡頭的森林,每一次看到,都會有想哭的衝動




我在想,我怕的,不是什麼,只是那個寂寞

LinkWithin

Related Posts Plugin for WordPress, Blogger...