出爾反爾之最後一次

當我今日做完個prsentation，準備搭地鐡去見cast嘅時候，突然有個陌生男仔行埋泥搭我膊頭，我心諗，今次係我冇拉褲鏈、打開左個書包定跌左野(最近日日都遊雲，我今日一次過做曬以上所有事)，佢即時俾左張卡片我，

男 : 先生，你好呀，我係廣告公司，我地最近拍緊過有關茶餐廳嘅專題，想搵你做model。

吓?吓?吓?

我嘅直覺話俾我知，依一個係一個騙局，係我聽過之中最唔可信嘅一個騙局。雖然成日口花花，不過其實我係有自知之明的。

但係我睇睇佢張卡片，間公司都幾出名，而且我之前有搵過佢地幫手，所以睇落又應該唔似係呃人。於是我反問佢，

我 : 成街噤多靚仔，你唔搵你搵我?

男 : 我地今次係做茶餐廳嘅專題，唔通搵吳尊依d靚仔咩，唔係好match個theme，所以我地今次想搵d......(佢疾左一疾，知自己講錯野，我都疾左下)

我 : 搵...搵....d咩呢?(我竟然開口問)

男 : 唔...唔...(情況超級尷尬)

我 : 普通d嘅男仔?

男 : 係呀係呀，噤唔知你四月尾有冇時間可以幫手拍呢?

我 : 我都唔知，不過我月尾好忙，或者你打電話俾我啦!

走時，佢回頭講左句，

男 : 其實你都唔差，俾d信心自己啦!

好的，謝謝你為我灰暗的生活加了點活力，否則，我想我已經死了。

model王

基佬朋友

A先生係我最好嘅基佬朋友，為人非常mean，每一次見面都要將我踩到盡一盡先肯收手。不過俗語話齋，一個願打，一個願捱，我地兩個完全唔同性格嘅人竟然可以成為好朋友，絕對可以納入七不思議故事，有機會一定要同大家分享一下。

有一日A先生約我食飯，食食下佢講，

A先生 ︰「其實我唔介意同D女仔朋友我係基嘅。」

我 ︰「噤男仔呢?」

A先生 ︰「唔，噤要睇下佢係唔係靚仔啦，係嘅話，我幾大都認啦，一個唔覺意佢都係，到時就正喇!」

我︰「係?(扮傻)哈，噤我而家問你，其實你係唔係基嫁?」

依個時候，A先生抱住我見過佢最堅定的眼神，說︰

「吓?我一定唔係啦，我直嫁，我好憎基佬，千祈唔好行近我.........(下刪5百字)」

我︰「!$^$@*#(!%(!%(%!%^%!!$#$@!)&(*」

我要結婚喇!!

一直恃住自己身體好，平時屋企都係短衫短褲，估唔到年初三已經病到七彩，重要病到落唔到床，一起身就作嘔作悶，而且屋企一個人也沒有，突然覺得自己好可憐.......

入正題，陳宅除左我之外，今年全部都要開工，所以拜年活動都要由我自己一個人負責曬，港島九龍新界一日遊。第一站係大嶼山，由於媽媽是大嶼山人，所以每年我都要回去一轉拜年，今年一返到去就喺村口見到表姐(注意，我表姐只係大我一個月)，未開口講新年快樂佢就問，

「你女朋友呢?唔帶埋佢泥?」

我已經心知不妙，唯有扮傻問佢，

「咩女朋友呀?」

「你上次同我講果個呀!」(佢一面講，一面玩佢男朋友送俾佢嘅Iphone)

吓?我上次同你講邊個呀?一來我從未有過女朋友，二來我好肯定我冇同我表姐講過我任何戀愛嘅話題，我地每年最多只係見3、4次，而且我一向唔鍾意同屋企人講依方面嘅話題，你邊有可能知道我嘅事呀?
而由於佢噤一問，身旁的表弟堂弟又問口追問我女朋友嘅問題，其中一個讀中四嘅表弟重即時拿出手機，向我炫耀那個極似「架」妹嘅女朋友。

拜年全程佢地幾個就不斷追問我，又話我收埋好野唔講，最可怕我幾個姨媽加入戰團，煩到嘔血，不過新年流流，我忍。

拜年時見到其中一位叔婆，佢講左兩句又問我有女朋友未，我真係頂唔順，就答佢，

「有，我女朋友叫Angelababy，做model，好索嫁!」

「有就好喇，噤幾時結婚呀?有就快D喇，我見過好多情侶拍拍下就冇左，你地呢......」

呀!!!!!!!!!!!!!!!!!!!

雖然聽好多前輩都有俾人問幾時結婚依個問題，不過我竟然諗唔到噤快會喺我身上面發生，我只係23歲，已經開始被人迫婚，我未來嘅日子點算呀???

撚手小菜

撚手小菜就成日聽，到底咩係撚手小菜呢?
撚同手有咩關係呢?我今日終於開始明白......

話說今晚朋友食飯，我記得旺角有間食米線好正，咪提議去食。

間餐廳有兩層，去到時候樓下無曬位，我們便上樓上。樓上只是得一個後生仔做侍應，我地上到去，佢都一直掛住同d女仔傾計，連落單都唔係好理我地。

噤都無野，我地都係食野。落好曬單之後，朋友W要去洗手間，返到時一臉惶恐，

「個靚仔去完廁所冇洗手!」

正當我地O曬咀嘅時候，個靚仔已經拎住野食過泥。我地重見到佢隻手指微微插入左個米線裡面。

喺依個時候，我地有兩個選擇，

a)唔食走人

b)頂硬上，照食

只係2秒之間，我地要做好依個決定。如果唔係，當個男仔走開左後，我地好難投訴佢。

點好呢?點好呢?點好呢?

正當大家陷入迷思時，

「食野喇!」朋友C二話不說已經開始食米線。

就這樣，我地終於明白咩係撚手小菜。(好彩我冇叫野食)

賣豬肉

今日去左某個討論區
身到有人徵友，本能之下click入去睇一睇
睇一睇，發現有一個唔係好熟嘅朋友留言，

'me 170 140


少肥 u mind?? '

徵友之嘛，使唔使問人介唔介意。雖然大家都明白依d徵友post講穿都係為左識男朋友。不過果一刻，我真係好有喺街市買豬肉嘅感覺。

喂喂，依舊豬肉肥左少少，你介唔介意呀﹖