2010年5月20日星期四

給那些可愛的DMB同學仔

11月的一個下午,我約了我FYP的adviser見面,臨走時,她問我身邊有沒有同學好有責任心,好準時返學,因為她想為DMB的course找一個student helper,我當時諗,你噤問我,唔通我答自己咩,於是我就隨口答了一些人的名字。

兩個星期之後,她再找我,問我有沒有興趣做student helper,嘩,佢搵我咪等如轉個彎讚我好有責任心,好準時返學。我當時知道,依份工,我唔做唔得。

                                                                                                                

KK/francis: 哈,認真的,好高興可以幫到你手,雖然話就話幫手,但係我學左好多好多野,重溫返好多唔記得左嘅知識,不過真的對不起,我成日都撞板,而且又「間唔中」遲到,希望第日會再有機會合作啦!

劉奇:我由第一堂俾你抽水抽到最後一堂,以後無左我,唔好唔開心。記住有活動call 我!

黑柴:雖然你的樣子很惡,但我知道你係一個心地善良的人,壞人係唔會同人講佢細個住醫院的事XD。我見到你好認真做功課,我真的刮目相看。

吉澤明PO:你係我第一個見過噤豪放的女仔,見左幾次,已經屈我同你開房,又自認係日本妹,比好多男仔更加咸濕。不過好好彩可以識到你,出crew時成日擔心我,做事又盡責,真係真係好多謝你。

占:哈,記唔記得我同講過叫你唔好成日噤憂鬱,唔知係錯覺定你真係變左,我發現你笑多左,做人開心又一日,唔開心又一日,點解唔開心D呀!(你D cam同editing真係唔錯,有時間,教下其他同學,俾多d機會佢地呀!)

Carter:高佬,記住,鍾意一件事就要俾心機去做,底線已經唔重要,最重要係你enjoy成件事!!

和羲:你期期六合彩都買,遲早一日到你中嫁!
去到新progame都要俾心機!

Davy: 下年學生會會長重唔係你?!?!?有時間訓多D啦,上堂釣魚好辛苦嫁XD

Emily:你真係好學生,每個星期五當我好辛苦跑返Cm出機時,你永遠係第一個返到,我真係好感動......記住,波仔係個好男仔泥,考慮下啦XDXD

波仔: 寫完Emily就寫你,我一定唔係「特登」嫁 XD
你成日亨爺前亨爺後,叫到我好老,下次見面叫我型亨算啦!
記住,Emily係個好女仔泥,考慮下啦XDXD


Edward:記住,Culture, Society and New Technologies依科唔係正常人讀......

冬:當你話你屋企冇錢上網時,我真係相信,結果俾你呃左幾個星期,我會記住你。

Jan:因為你,我永遠都記得Jan 同Jun嘅分別,亦因為你,我永遠記得G‧E‧M XDXD
我發現我地有太多共同愛人,如果焙焙泥香港,我地一齊去!yoyoyo!

偉哥: 好多謝你幫手出crew,噤辛苦都肯幫我,俾個叻你! 其實我覺得你講野嘅方式真係好搞笑嫁!

Ada:如果劉奇係抽水王一號,你一定係二號,你每個飛吻我都有接住嫁! (要唔要係另外一回事XDXD)
放心啦,你個頭好快冇事,下次拍野,小心d,要做好保護工作呀!

Sanami: 哈,多謝你一直以來嘅支持,我嘅「緋聞女友」,哇哈哈!!

Milo: 你同劉奇依對歡喜冤家,我每一次見到你地都覺得你地好可愛,你地兩個快D做返好朋友啦!

KING: 比男人更男人,只有你KING姐!

Yueng: 我成日以為你好cool,我而家先發現原來你成日發白日夢......

大根: 大根叔,我想要三文魚,我差4個.....

然仔: 我覺得你個樣真係好周星馳,盡情發揮你搞笑能力啦,你得ge!

阿朗: 之前見你做功課好認真,如果真係鍾意的話,go for it!

Judy: 美少女模特兒,雖然同你溝通唔多,不過好高興可以有個model朋友!!!!!

Jason: 美少女模模特兒的男朋友,一身潮人打扮,戴埋color cons,知你型喇!

輝: 因為你,我學識左咩叫呃蝦條XDXD
你唔好成日上堂打機啦,雖然我都好鍾意monster hunter!!

Sze Lok: 唔講唔知,我都住過Hall 3!!!!

Moses: Moses,哈,你講我壞話我一定知,就算我畢左業之後都會知,你小心呀!
(下年hall singing contest記住預埋我!我會唱「小你阿爸」!)

                                                                                                 

因為實在有太多人喇,有些同學仔表必寫得曬,你同我講返,我會好快加返上去喇!

DMB同學仔,我一千萬個開心可以跟你們在一起,你們全都是可愛單純的小朋友,令我想起了很多很多以前上堂嘅快樂日子,我恨不得和你們一起上堂,一起做功課,present,轉眼間,我就要畢業了,離開學校的感覺有點不好受,現在的我百般迷茫。

記住好好享受大學的生活,很多東西要主動,要努力爭取!!
不要容易放棄!


突然很想念星期五朝早出機,下午還機的日子

2010年5月19日

沒有留言:

LinkWithin

Related Posts Plugin for WordPress, Blogger...