尋日情人節見卡臣大哥寫左一篇好sweet嘅故事，重燃我嘅鬥心。好喇!不(只)是關於愛情 - 第4回，正式開始!
運動場上的秋天
上一回講到第一次同小白出街，我終於下定決心要與小白一起。
而繼續發展落去，就好似好多愛情故事一樣 - 開始追女仔喇!
但係到底點追呢?唔通要去睇精裝追女仔學返兩招?
中六的暑期過去了，我們要開始面對另一個難關，就係A Level。而由於升上F. 7，我們的課室由生物室移師到多媒體自學室。而我當然不會放過這個機會，運用我的權力令自己可以同小白一齊坐。
雖然可以同小白一齊坐係世上最好嘅事，不過開學不久，已經深深感受到A Level的重擔，老師每天都不斷疲勞轟炸我們，要我們好好讀書，考好A Level，否則後悔一生，而亦因為噤，我和小白的關係開始變得生疏，大家都忙於溫書，做passpaper，每一天都只有早會那少少的相處時間。
在苦悶的生活之中，我堅決每天都為小白做一點浪漫的事。
小白是一個沒有筆袋的人，只是把所有文具放在書包中。有一次我騙小白，說我家中有一個新筆袋，橫豎放在家很浪費，不如送給別人。那一天放課後，我坐車到最近的書局，選了一個最漂亮的，然後跑回學校，大汗夾細汗地送給小白，之後還要裝作若無其事。雖然小白什麼也沒有說，但我的心裡卻歡喜若狂。
十月秋高氣爽，亦是我們學校陸運會的日子。陸運會是我們學校最重要的活動之一，尤其是我們中七的學生，這可是我們中七生最後一次參加的陸運會，所以我們都會異常積極地擔當工作人員。在最後一年，我被安排做標槍的小隊長，而小白則被安排做召集處工作人員。
雖然我同小白在不同的工作單位，不過標槍的工作很簡單，而且工作時間又短，所以我一有時間就會去找小白，
「買俾你嫁。」我即手中的寶礦力交給小白。
其實枝寶礦力已經喺朝頭早買左，不過一直都不敢交給小白。
「我見買一送一，我又飲唔曬先俾你渣。」我盡量表現到一臉不在乎，心裡面卻又十萬個緊張。
小白的樣子有點詫異。
係呀係呀，我特登買俾你嫁，你唔好迫我講出口啦。
「噤好有野飲又唔預我。」同班同學老鼠突然出現，佢叫老鼠因為佢個椒真係有D似老鼠。
「你飲啦，反正我都唔口渴。」小白把寶礦力送了給老鼠，然後就走了。
老鼠突然出現完成打破左我個計劃，亦令我同小白超超超超超超超尷尬!
滿懷失望嘅我成日都冇里神采，只係識得行來行去，心裡面有千萬的小白拒絕的原因。最後走到召集處，見到小白不在，就自己一個人坐左喺石級上面發呆。秋風吹過，其實真係好舒服，果一秒，我突然將小白所有野放開，成個人只是靜靜的享受眼前的一切。
就喺依個時候，就好似所有低能愛情劇一樣，小白原來已經坐左喺我身邊，原來，奇蹟真係會發生嫁。
望著小白，他沒有出聲，我亦沒有，只是慢慢感受著，秋風帶來的一切一切。
待續
1 則留言:
快d出黎,繼續寫呀!!! 唔好又要等幾個月呀 !!!
發佈留言