我們是快樂的好貓兒 (喜兒)

當朋友PK知道我有養貓的時候，他笑說，

「養貓的人都是很寂寞的。」

「但係我.....我養左5隻貓。五隻貓，五倍寂寞喎。」

當大家知道我養5隻貓嘅時候，都覺得好出奇。係嘅，睇我個樣都估唔到我係D噤有愛心嘅人。而事實上，我絕對係一個充滿愛心嘅青年。

好喇，入正題先。雖然好多人知我養貓，不過識曬我幾隻野嘅朋友唔係好多，所以由今日起，一連幾集，會介紹5隻好食好住，當自己係皇帝的快樂好貓兒。

為大家打頭炮係是家中的大家姐 - 喜兒

姓名﹕喜兒(個名係我媽媽改，我即時諗到係TXB果d宮廷劇=.=)
性別﹕女
年齡﹕2歲半
家中排行﹕大家姐
嗜好﹕食，訓同被主人抱同玩捉迷藏

叫得做大家姐，自然有返噤上下「份量」啦，肥嘟嘟嘅喜兒係我地第一隻養嘅貓，你睇佢眼仔碌碌，一副明星相，其實佢好細個果時上過寵物雜誌做口靚模嫁。

喜兒係我地喺寵物店帶回來的，當時只有幾個月大，身材重幾正。喜兒最特別嘅地方係佢短短的四隻腳，就好似臘腸狗一樣，當佢跑嘅時候，你就只係見到一個地下移動喺肉團。

細個時，喜兒係噤訓.....

大個左嘅喜兒......

喜兒對住我係超級爹，只要我一叫佢個名，佢就會叫住跑過泥，成隻狗仔噤。不過對住我就係，對住其他人?佢理都唔理你，重只會用個屁股對住你，好高竇嫁!而且你唔好見喜兒手仔腳仔短，佢唔係善男信女泥，只要你一得罪佢，佢一定記住!

如果根據卡臣大哥嘅貓話翻譯器，我相信喜兒第一句講嘅野係，

「主人成日沖涼唔關門，人地怕羞嫁! 喵~~」
(衰貓，你講咩呀!?!?!?)

下次會介紹嘅貓就係超級麻甩嘅二佬，矇豬仔!