我沒有的比達頭

每一次當我說我要剪頭髮的時候，朋友都只會跟我說，

「你頭髮噤短重要剪?」

「你頭髮噤少重要剪?」

的確，依一個係一個好大嘅問題，不過我唔理噤多，因為我實在很討厭自己長頭髮的樣子，平均一個月我急急去剪頭髮。曾經試過去台灣旅行時，忍唔住去左剪頭髮。台灣剪頭髮有到好就係，佢地剪頭髮時會俾杯野你飲，當我心裡面暗暗讚服務真好時，我發現我嘅頭髮碎入曬去杯飲料之中.........

但係事實上，我又好害怕剪頭髮，特別係遇上那些很喜歡說話的髮型師，一來好驚佢分神失手剪錯，而且當你被迫同一個人相處15分鐘甚至30分鐘，而其實你又唔係好想同佢講野嘅時候，的確係好難受。

而剪髮時，我同髮型師會有好多奇怪嘅對話.......

1)髮型師: 你想點剪?

我: 唔.......呀.....唔.......我.....我...想...剪短...佢.......

髮型師: (唔通幫你剪長咩?)


2)洗頭時....

髮型師: 痕唔痕?

我: 我大脾有d 痕，你可唔可以幫我RR?


而我頭髮比較柔軟，曾經有一次，髮型師同我講，「呀，你真係又短又幼，無咩力硬唔到......」

嘩嘩嘩，雖然我知佢係講緊我嘅頭髮，不過佢將所有男人最痛一次過講曬出泥，果一刻，果一刻，眼淚在心裡流.....

好，入正題，話說我最近又剪左頭髮，而今次我發一條神秘嘅橫線......

就係依條，做左23年人，先發現我嘅髮線係一條完美嘅橫線!!!

雖然有傳說話M字頭嘅人係醒目D，不過呢，我都係鍾意依條橫線多D，你睇下......