3個女人1個男人

星期六原約了朋友看話劇前一起食飯，結果朋友遲大到，最後無奈自己一個吃飯。

餐廳的人不算太多，可惜沒二人座位，得返四人座位，待應見人不太多，就叫我坐住先。當我等野食時，有3個女仔走進來，當時四人座位都沒有，所以待應就佢地坐我張檯先。其中兩個女仔好快坐在我對面，而另外一個女仔一直企左到唔肯坐。

好明顯地，佢唔想同我坐。

其實餐廳唔係好迫，要少唔使肩並肩坐，張檯又唔係細到要面貼面，至少大過麥記。唔通係我問題?我又唔係著得好差，樣又唔係衰到乞人憎果種，更唔好話我有咩體味。

結果我當然冇理過佢，佢最後死死氣坐低。

不過佢一坐就黑口黑面，唔出聲又唔肯叫野食。

「唔好噤啦，你做咩事?係唔係好想同我坐?」她的朋友不斷安慰她。

安慰

唔想用安慰兩個字，不過她的朋友們字裡行間的確充滿安慰的感覺，我深怕那個女仔會因為同我坐而突然哭了出來....

我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?我錯咩?

結果成件事好似我錯，我已經唔知搭檯係邊個，我完全被孤立在檯上的一角，我想，要安慰的是我......

在我斜對面的二人檯走了，

「不如我搬去對面。」我有禮貌地向我對面的那兩個女仔說。

「唔該你。」我從她們的眼神中，知道她們是真心多謝我。

然後我做了噤大個仔都未做過嘅事.....

「其實我都好唔想同你坐。」我清楚地向我身旁的女仔吐出每一個字。

我露出勝利的微笑，拿著東西絲絲然走到另一張檯。

她們三個，只是無意識地「呀」了出來，感覺非常可憐，像受辱後的小學生。


這次，我又做了個壞人，不過很‧痛‧快。

哈哈哈哈!