「愛情必須從堅實的友情土壤中得到養份，慢慢成長，歷經多年的默契與相處才能茁壯成愛情 。」 - 九把刀
或者這是我過去23年的一種態度，或者亦是我一直沒有拍拖的原因。
可是踏入虎年，才不過一個星期，愛情已經悄悄的敲門。
由認識到表白那一天，只是短短的24小時，到底要怎樣的愛，才能來得這般快?
表白的不是我，只是一個剛認識的朋友。我們是在一個普通的社交場合認識，那一天沒有跟那個人說了幾句，連名字也不記得，甚至是什麼樣子都沒有印象。
表白完後是拒絕，48小時，剛好兩天。
不是炫耀什麼，過去曾經向我表白嘅人，夠開兩枱麻雀。
雖然我常常把「我是帥哥」四個字掛在口邊，但是我打從心底裡不覺得自己是有樣貌，長得不高，沒有身材，只有男人權力的象徵 - 一個小肚腩。
朋友都說我應該走才華可愛路線(頂，又乜野可愛呀!?!?)，但我相信偶像路線比較適合我。你問我驚唔驚?其實我驚到死，23歲仔，未拍過拖，未試過戀愛的滋味，只有2次半的暗戀經驗，我成日諗，我會唔會下半生就噤過?
你話我眼角高，絕對唔係!!認識我嘅人一定知道我的口味，愈是奇怪的人，愈合我的口味。
其實每一次表白之後，我都會問那個人喜歡我什麼，雖然我好希望佢地會答因為我靚仔，不過大部份嘅答案都係 - 唔知道。唔知道?哎呀，至少你可以講到我一個優點掛?或者會發現我一些特別的地方。但答案往往都只係 - 唔知道。
亦因為這一個唔知道，反而令我更加想知道我是怎麼的一個人，哈!
好多朋友都罵我為什麼不去試下，我不是什麼好貨色，有得食就食，甚至緊張到我阿爸都話我，唔試過點知唔得喎?
「係唔鍾意就唔鍾意啦，點有得迫?」我每一次都這樣回答。
可是我就是典形的處女座，唔鍾意就係唔鍾意，點迫都冇用。你愈迫，我就愈唔鍾意。
我是一個很蠢又固執的人，任何事我都可以妥協，但是愛情總不是妥協就可以解決的吧?
我知道我唔係一個有條件嘅人，不過我相信最熱血的愛情，始終有一日會出現喺我身上!
p.s.成篇都唔知自己寫緊咩，完全沒有中心，見諒
16 則留言:
做咩拒絕人地
support you!
愛沒有怎麼樣，想愛便愛啊。
這應該是表白者的想法吧
不過24小時之內，有好感已經「炆」左少少
何況愛？
小心翼翼，或者可以換來一段精彩既初戀呢
唔駛急嘅，要嚟就會嚟
浪子:
好多原因嫁,不過最主要我知道大家一齊一定唔會走得耐
卡臣:
多謝卡臣大哥T.T
Beanzzz:
haha~~依個都係我唔試下嘅原因..
不過好多謝你,我嘅初戀可能有d遲,不過一定精彩
kateyip:
好多謝你,你係第一個留噤多字嘅朋友,好多謝你!暗戀又點會分年齡喎,我覺得到每一次暗戀不知幾浪漫。我同你一樣，一直都相信,有朝一日我地都可以搵到自己另一半嫁!
好多謝你分享,我會努力繼續寫嫁!!!
火影大哥:
我知道ga喇!哈!
亨, 你講你有咁多人表白
係想人地冇拖拍既打你, 定係想人解讀為
你有好多桃花不過都係爛桃花, 佢地都係有眼不過咁岩唔記得帶出黎個日遇上你既一群人?HAHAHAHAHA
KATE~雖然我只係亨亨既朋友完全唔識你...但你令我覺得你好可愛呢~
難得我在亨亨的BLOG 可以說秘密~我說一件事比你知
我也喜歡上一個不可以喜歡的人
而我剛剛鼓起人生最大也將會是唯一一次的勇氣, 向他坦白了(註:坦白和表白是有分別的)
慶幸地我得到最好的結果
就是更加確認自己, 也得到了一個知心的好友(對, 因為我根本就知道沒可能的, 哈哈)
雖然這個聽起來是很離奇的故事, 而我終於也可以消失你口中的化學作用了, 哈哈
但我想, 這個暗戀的經歷我應該一世也不會後悔, 也有太多好回憶去讓我回味
對你來說也是一樣, 不論表不表白, 結果如何, 那種浪漫的回憶, 哈哈~你是不會後悔有善歡上他的, 不是嗎=P
to uu:
haha~~噤打我好d~
KATE, 就算亨亨會話我地攻陷佢個blog都係咁話...最多..咪轉去我個blog law=P 哈哈, 到時睇下邊個幫佢個blog 留咁多言XXXXPPPPPP
其實我既故事比起亨亨既故事都唔係特別精彩ga, 以前有朋友話過, 我既生活都算係dramatic, 其實只不過我期望生活變得dramatic, 而又記住好多細節即ma=P
咁你會想抽離定投入?聽你咁講, 其實你可以再認識佢多D架...多個朋友麻, 可以同佢傾多D計
如果真係想聽下我個無聊故事既話
不如去我BLOG 到啦
費時比亨亨笑我=P
發佈留言