365日後

馬仔：
          原來我地已經有365日沒有說過話，一年轉眼就過去，不過無論如何，我都要鬧你一句 - 低能仔! 你依個超級無敵低能仔!別怪我，我知道，如果我唔好好鬧你，總覺得差點什麼似的，哈。

         你喺那面的生活點呀?你重係唔係噤鍾意講粗口呀?你知唔知道，喺你離開嘅一年，發生左好多好多野，不過你放心啦，小林同step仍然在一起，雖然他們之間發生了很多事，不過有我依個無敵愛情顧問，佢地邊有噤容易分開? 哈!另一方面，Juno和Heidi分手了，不過很快地，他們又再復合了，依個連我都真係估唔到。而我，終於喺十月的一個晚上，作出了人生第二次表白，而最終我諗你都估到，失敗了.......T.T

        成績方面，Patrick在art of editing給了我一個完美的C+，不過好好彩，我拚命去寫的Script writing 2和reading literature得到了意外的A-，證明我technical上真係要花多好多功夫。暑假的時候，我地幾個話要拍一段關於馬仔你嘅片，最後只得返小林一個拍。我心裡面一直很內疚，最後，我在12月借directing的機會，終於拍了 ' 今天，宇宙由我來搞亂' ，一部關於你，關於我自己的故事，哈，個名係唔係好型呢?雖然最後出來的成績不是太理想，不過我至少遵守了我的承諾，我知道，我永遠都唔會後悔。有些事，永遠都不能放低。

        過去依一年，最最最最最令人估唔到就係，你以前最唔鍾意嘅Wyman，我而家竟然同佢成為好好朋友。不過我想同你講，個衰仔依一年唔同左好多，雖然佢重係好似前噤鍾意吹水，但係有一日佢俾Patrick點醒左，佢重成日借好多哲學書俾我，我每一次都無睇，但又扮到好感動的還給他。XD

       家中幾隻貓都過得好好，而且隻隻都比以前肥了很多，我知道你一定會鬧我，然後拿出你的相機不斷同佢地影相，重有呀，到現時為止，你係唯一一個人，可以認得我所有貓嘅名。龍哥，嫦姐和Deacon他們都過得好好，特別係龍哥，佢最近重學人開左facebook 呀!你說我離型男之道有一大段距離，不過我依一年向前走了一大步，我相信目標好快達到嫁!!(Juno就難講d喇......XD)

       前幾天在街上走著的時候，突然想起，我從來沒有抱過你，你噤大份，我諗抱住你一定好舒服，很想再見到你。有很多時候，我腦中會突然想起你，見到有人同你好似嘅時候，都會不起然叫你的名子，有很多時候，眼睛突然會不自覺地變得水汪汪。有好幾次發現你在MSN online，我知道那一定是你的妹妹，但我都不其然的跟你說聲hi，我天真到幻想你會回應我，告訴我你在那個世界發生的事，好為我的劇本加點新故事。馬仔，你知道嗎?我好怕好怕有一日，你會喺我記憶中消失，包括你所有小動作，說話，我們發生過的事，甚至你的樣子，我很怕，會再一次的失去你。

       那一天之後，我寫了3封信給你，理所當然地沒有收到你回信。到了一年後的今天，我再一次寫信給你，在落筆之前，我問自己，為什麼要寫這封信，是為了自己，為了你，還是其他人?這個答案我可能一輩子也不會知道，但我只是很想寫，很想同你分享生命裡面的一切一切。我仍然‧很想念你。

願你在那個世界，得到你一直追尋的幸福。

你口中所說的淫亨上

寫於2010年3月4日