遇上第三個傻仔

T先生是我一個重要的朋友，不過已經很久沒有聯絡。早幾天T先生突然MSN約我星期五去飲野，由於當時做緊野，再加上神智未清，所以沒有細想便答應了。

在我超級低能落伍的思想底下，我以為飲野等如去cafe飲下咖啡，傾下少男心事，到左第二日，我先諗起，T先生嘅飲野其實係指去酒吧飲酒。

好喇，大獲喇，因為我係一個完全唔飲酒嘅人。由細到大，我除左打邊爐會食下醉雞湯底之外，其本上滴酒不沾，噤大個仔入口嘅啤酒少過半罐。原因唔係我自鳴清高亦唔係因為對酒有敏感，而係因為酒實在太‧難‧飲。俾我飲，我不如飲可樂好過。

亦因為噤嘅原因，除左兩次因為拍野而入過酒吧之外，我未試過去酒吧。

不過難得T先生約我，而且噤大個，係時候出去見下大場面，所以我展開了第一次落bar之旅。到見面先知，T先生帶我去嘅係，聽就聽過一萬次，但完全唔知喺邊嘅「傳說中酒吧」!!!嘩!!!

(在中環站見到的廣告，諗住post上facebook同人分享下，點知又俾A先生抽水)

去蘭桂枋撞正Rubgy seven啱啱完，成條街都係鬼佬，個個人都情緒高漲，突然好懷念以前喺大球場賣熱狗，任飲任食嘅日子......

(人山人海)

第一次去的確有d緊張，第一次出泥行，我先知道我係一個不折不扣的大鄉里。

首先酒吧門口有個印度伯伯，我好熱心同佢講英文，點知講講下，佢突然講左句，「唔使喇。」，原來佢係識中文。第二，俾完入場費之後，有人叫我伸隻手出泥，我以為佢想幫我打咩針，原來佢係喺我手上打左個印，印完之後我起勢噤搵個印去左邊，先發現佢係夜光印，好一個大鄉里。第三，出門口遇到幾個警察，今次唔止查身份證，重要被搜身，係全身果隻，我同其他朋友唔知點反應，只係識得笑，哈。

(看不見的夜光印)

原本只係諗住飲橙汁嘅我，經好友介紹之下，點了Poker orange(個字係唔係噤串?)，一飲之後真係大獲，個頭已經開始有d痛，行路已經浮下浮下，頂，唔通我嘅酒量真係差到噤!?

不過最驚人嘅發現係，原來酒吧嘅人特別豪放。原本諗住去廁所，被我發現男廁係冇關門，依個唔緊要，最重要係男廁尿桶嘅設計係非常開放，簡單d講，每一個喺男廁門口經過嘅人，都可以清楚見到去如廁男人的小弟弟側面(除非佢好短)，女廁重要喺旁邊.......

以前成日會諗，點解d人噤鍾意去bar，今次一去，我開始明白，原來落bar真係幾好玩，而且重有Transformer 2睇!正!

好的，又是一個好好的經歷。
                                                                          

遇上人生中第三個傻仔，下一步，應該怎樣做?