弟弟帶女朋友回家，我該怎樣做?

                                          18禁                                         

很久沒有寫過我細佬，上一篇提到他做地產，話噤快佢已經投身另一份工作。不過今次唔係講佢返咩工，而係變左兩兄弟相處的問題。

最近兩天母親回鄉(其實只不過係大嶼山)，家中只餘下我和弟弟二人。返工時，突然收到細佬的電話，

「阿哥，你今晚放幾多點?」

「咪同平時一樣，12點幾，做咩事?」

「我....我今晚想帶個朋友返屋企過夜......」他吞吞吐吐地說。

「吓?邊個泥?」

其實去到依一到，我已經知道佢想帶他新相識的女朋友回家。早幾天他還炫耀他的女朋友，想不到噤快就.......唉，年青人.......之後我問左一個好戇居的問題......

「你有冇問過媽咪?」

當然佢冇答我，而我由於工作關係，講左句是旦啦就收線，我一直忘記了，忘記了.....直至我放工前一刻，我才突然醒起依件事。想當年大學住宿舍的時候，曾經幾次俾同房迫走，原因都係一個，女朋友要上來。唔通今晚，我又要流落街頭?

其實我唔介意有女仔止我屋企，只不過好尷尬，我地兩兄分訓上下架床，我訓上面，如果突然聽到怪聲我應該點做?扮訓覺?定係我自己醒目做廳長?面對噤嘅情況，我真係唔知點做好.....

所以我就打俾我個(出名咸濕)朋友松鼠，希望可以助我一臂之力，提供合適的意見。

松鼠: 「好簡單，你唔想一返屋企見到佢地全裸，咪你叫你細佬搞野搞快D咪得囉!」

我:「吓?你叫我同細佬講d噤嘅野?」

松鼠: 「或者你叫佢地自己出去用2百蚊開房啦!」

我:「吓?」

松鼠: 「你準備埋安全用具俾你細佬啦!」

我:「吓?」

松鼠: 「定係你想做人大伯呀?」

我:「吓?做人大伯唔錯wo~」

結果搞左一大輪，最後演變成2個傻仔講咸濕野.......

回到家門口，我用我最慢的速度開門，而且途中不斷fing鎖匙，深怕沒有人知道我回家。
 
一開門，沒有我預期中的全裸畫面，只見一個斯斯文文的女仔坐在沙發上(有著衫)，我向她報以親切的微笑，而我細佬......我細佬就沖緊涼，沖得涼就代表.......呵呵!



回家真好!