囧少年夏日純情日記-1 「我愛夏日長!」

自上一次個半鐘游左4個池嘅「創舉」，踼水俾人話似遇溺之後，為免再次成為其他人的佳話，我今次決定自己一個去游水。
作為今年第二次處男下海，我一早教好個鐘，諗住可以大清早就去暢泳。

但係點知我拎齊野，準備好出發嘅時候.....

我先發覺..........

好凍 =.=

真係好凍....

當時嘅畫面就好似有幾塊枯葉喺我面前吹過一樣，我望一望個天，再望一望自己條短褲。

以我性格，我緊係頂硬上.....................................至奇


無可奈何之下，我好似個傻仔走返上hall。

當然啦，我緊係唔會就噤放棄啦。我等到差唔多3點先再一次出發，果時天公造美，陽光普照

我第二次處男下海終於成功。

而且，最後我用左一個鐘頭游左12個圈，證明上一次我係不為，非不能也。

不過游游下果陣，有人喺我身邊好快游過，好明顯係想挑我機。

我緊係奉陪到底啦!!

我以自創嘅龜式同佢比賽，不過，可恨嘅係我以半個池輸左俾佢。

更可恨嘅係，同我比賽果個人應該只係得五歲。