囧少年熱血返工日記 4 失驚無神泰國行 (上)

好耐冇寫過囧少年熱血返工日記，係時候要分享下最近返工嘅事。

我發覺我愈來愈喜歡我的工作，雖然很多時間都是做一些很簡單的事，不過事實上，份工係非常刺激，因為你永遠都估唔到幾個鍾頭之後、什至下一分鐘要做D咩，就好似出差公幹.......

                                                                  

時間: 星期二晚上七時半
地點: 牛頭角某工廠大廈

話說當日我在牛頭角做野時，突然收到我上司電話，

上司: 亨仔，你做曬D野未呀?

我: 差唔多喇。

上司: 係喎，你知唔知你聽日要去泰國呀?

我: (內心獨白)吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓? 吓?你都冇同我講，我點知呀? (內心獨白)

上司:  你passport未過期嫁嘛?

我: 噤又未.......

上司: 好喇，你聽日早機去，後日返，你陣間返屋企汁好野，聽日早D出發。

我: 知道............

就這樣，我人生第一次嘅泰國之旅就開始了。

雖然出Trip係一件好值得興奮嘅事，不過我噤大個仔從來冇去過泰國，再加上係自己一個人去，要做什麼，要找那一個人，住那裡，完全不知道，心裡面的確有小小小小小淆底，不過沒法，唯有頂硬上。

由細到大，泰國對我依個盲毛泥講，只得3樣野 :

1)人妖
2)降頭
3)鬼

從不少去過泰國嘅朋友講返，當地的人妖身材比真女人更加勁，重會不斷請你食波餅，嘩，波餅，我唔鍾意。而且喺我好細個嘅時候，已經有聽「恐怖熱線」，潛意識告訴我泰國的酒店一定係有鬼，而且當地的人會隨時拿你的頭髮去落降頭，咩吐針，嘔青蛙，全部都係我童年陰影。

係好白痴，不過我真係信。

出發前，上網睇新聞，發現曼谷又發生爆炸，睇泥，依次出國注定多災多難。

話雖如此，不過我都偷偷帶埋條泳褲去。