囧少年熱血返工日記 1 - 下年暑假幾時到

大學的成績出了，如無意外，應該可以順利畢業。

如無意外，我會失去「學生」這一個身份，正式成為打工仔。

如無意外，我想我會待在這個公司一段時間，參與不同的製作。

由中三暑期開始，我已經打過唔少工，由外賣仔，賣生果，到做舞台監製，導演，freelance乜都試過。不過今日正式第一日返工，老實說，我真的真的很緊張。

事情來得太快，到返工前一刻，我都唔係好知自己份工要做咩。

我比返工時間早了十五分鐘返到公司，我第一個工作就是入數。

連未好好自我介紹，阿頭將三間不同銀行的支票交到我手中，要我把它們入好。入數對我絕對不是問題，甚至是雞毛蒜皮的事，可是對一個不太熟悉尖沙咀的我來說，要找出三間銀行的位置就是一個挑戰。搵呀搵，走呀走，加上天氣又熱，未搵到第一間銀行我已經成身濕曬。

好不容易才入數，阿頭就派我做第二個工作 - 換燈膽。

公司有一個廁所，三支燈當中有兩支燈壞左，我第二個工作就是換燈膽。當然對我都係輕而易舉的事。不過我同時發現，公司的廁所是可以沖涼，洗手盤上亦放了牙刷，我心中不期然諗到 - 通宵工作!!!

第三個工作更精彩，亦係今日返工最大挑戰 - 搵鎖匙。

阿頭將一大盒鎖匙交給我，我想應該有超過50條，我嘅工作就係要將唔同嘅櫃配返啱嘅鎖匙。雖然公司的櫃不太多，但都有十多個，而每一個櫃，我就要用手上那50多條大大小小鎖匙逐個逐個試左佢，所以我係要試足 50 x 15 = 750次!! 再加上原來唔係個個櫃都有鎖匙在那個盒之中，有好個櫃我要重頭再試多一次。

不過試鎖匙時發生一個大問題，當我試其中一條鎖匙時，突然「卡」一聲，條鎖匙斷左，果半條重入左去個鎖匙洞裡面。

「仆X喇!」我心裡即時爆左個粗口。第一日返工就搞依D野?!?!?

果條鎖匙本身已經就斷就斷噤，我已經好小心噤去試，點知一放入去已經斷左，我依個時候點算好?同阿頭講?我第一日返工就做壞野?

哈，好彩我情急生智，我用我「特別」的方法解決左件事，至於係點，我就唔講喇，哈!

雖然今日返工都係做一d簡單工作，不過又做得幾開心，而且我又預見未來工作好似好有挑戰性，總之俾心機做啦!

不過成間公司好似得4個職員，當中3個都係「佬」，我諗我好快都會變成一個打正佬，唉......

到底下年暑假幾時到?