囧少年熱血返工日記 3 - 捱捱捱 (下)

續上回

死啦，回鄉証過左期，點同老闆交代?

依個時候，只得一個辦法，就係出賣朋友!

好好彩，幾經辛苦，最後得到小學同學阿邦幫手，危機先可以化解 ...................未住!

目送好友步向羅湖，我亦在上水守候，看看有沒有突發事件會出現。不出所料，上天一定不會那麼容易就放過我。老闆說收貨人會搭八點機走，所以一定要在八時前送到。當阿邦去到機場時，收貨人的電話一直打不通，時間一分一秒過去，電話仍是不通，而同時間，阿邦和我的手提亦分別開始冇電，情況絕對非常危急，唔通我嘅首個大任務會失敗?

就在最後一刻，電話終於打通，呼，好彩又可以順利過關!

八時多才回到香港(雖然我沒有真正去到大陸)，老闆又再次打泥，今次係去將軍澳邵氏電影城，原本諗住搭的士去，點知司機行錯路，去左邵氏片場，最後要搭多一次的士先可以到達目的地。

邵氏電影城的面積非常之大，不過好多地方都未裝修好，寫字樓入面嘅枱枱檯檯全部都未折包裝，真係好似一個死城行，有9個半恐怖。行左2個字都只係見到2個保安，花左15分鐘先可以順利搵到保安室。

去完將軍澳又要撲返去土瓜灣交野，此時的我，心身俱疲.....

走呀走，跑呀跑，最後要成11點幾先可以完成所有工作。

真係有排忙..................