賣豬肉

今日去左某個討論區
身到有人徵友，本能之下click入去睇一睇
睇一睇，發現有一個唔係好熟嘅朋友留言，

'me 170 140


少肥 u mind?? '

徵友之嘛，使唔使問人介唔介意。雖然大家都明白依d徵友post講穿都係為左識男朋友。不過果一刻，我真係好有喺街市買豬肉嘅感覺。

喂喂，依舊豬肉肥左少少，你介唔介意呀﹖

每當勃起時

由細細個開始，我都唔鍾意長頭髮，無論自己定係其他人，所以只要我頭髮長少少，我都會即刻去剪頭髮。而最近依排，我發現一個好奇怪的現像，就是我的頭髮會自動俾signal我，提醒我要去剪頭髮 。

而依個signal就係同我勃起

放心，唔係果到，而係我頭頂的頭髮。

而家我個頭頂有一汁頭髮，同我好筆直噤企左喺到，無論我點gel,點洗、點吹、佢都唔肯同我軟返落泥，完全係金槍不倒。

我明白年輕人係比較血氣方剛，不過你全日24小時同我唔落返泥，真係令我好困擾。而家出街就好似天線低低B噤，有冇朋友可以幫幫我呀?

那不(只)是關於愛情 - 第3回

當星球大戰遇上我們

要甚麼先要可以證明自己喜歡上一個人?

a)對依個人日想夜想，任何時候都想見到佢


b)當依個人開心嘅時候，你會不自覺噤開心,，但佢唔開心，你又會無啦啦唔開心


c)當你聽到ICQ「喔噢」時，你會用9秒9嘅速度去檢查是不是那一個人online


d)你會用盡一切方法約佢，而你明知個藉口係完全唔make sense


好!我發現我已經中曬以上所有病徵，好明顯，我已經患上戀愛依一種絕症喇!!!

終於，喺我人生第18年，我終於要跌入情網喇!

自從上次落雨事件之後，我同小白嘅關係比以前更進一步，MSN上面成日會講好多無聊野，我又會借故問下佢功課噤。

而為左可以同小白可以有更一步嘅接觸，我決定鼓起勇氣去約佢。
由細睇TVB劇集大嘅我，領悟到第一次約女仔出街就一定係睇戲，重要係9點半。所以我就襯早會嘅時候，靜雞雞噤問小白睇唔睇戲，你知啦，我平時講野都成日依依哦哦噤，今次更加係約我第一個鍾意嘅人出街，我基本上係講唔到一句完整句子，正當我覺得小白會拒絕我嘅時候，佢竟然好快噤就答應左!(亦因為噤,我之後果一個星期嘅日記開心到日日都提住依件事)

好喇,約左睇戲，第二個問題就係睇咩戲好呢?愛情戲好似太刻意，卡通片又好似太幼稚，恐怖片我驚我重驚過佢.到左最後，我竟然......竟然決定買飛睇星....星球大戰前傳第三集。(咩喎，星球大戰都可以好浪漫)

終於到左睇戲果一日，始終係第一次正式約小白出街，我好刻意去打扮，著得比平時醒目1000倍.我重比原定時間早左30分鐘到場，目的緊係要比一個好印象小白啦.等呀等，等呀等，到左開場前5分鐘左右，小白終於出現，而果個情況就好似TVB劇集噤，

小白:「對唔住呀，等左好耐?」

我:「唔係啦，我都係啱啱到之麻。」

小白:「(笑了一笑)好啦，我地入去喇。」

當然啦，有唔多唔少會係我自己幻想出泥嘅片段，不過我真係不得不佩服TVB嘅編劇，原來10對男女有超過一半以上嘅對話都係噤無趣，噤公式。小白果一日著住一件很簡單的紫色外套，我已經完全唔記得左件衫嘅CUTTING，上面有圖案，不過果一種淡淡的紫色就在我腦海中揮之不去......

當小白到埋之後，我地一行十幾人就魚貫入場。

等等先，一行十幾人?

唔......唔.....其..實......其實係因為我太無膽，所以就利用我班會主席嘅身份，借班會活動名義去約小白.果一次活動，差唔多有半班人出席。我知你可能會話我無膽，不過對於第一次約我鍾意嘅人出街，我已經豁左出去嫁喇。

哈哈，而且雖然話就話係班會活動。不過唔好唔記得我係班會主席，所有戲飛全部都喺我手上，我要邊個同我坐就邊個同我坐!!!!!!嘩哈哈!!!而小白當然被我安排坐喺我側邊啦!不過，正當我滿腦子幻想我同小白一齊好浪漫噤睇戲嘅時候，傻豪又再出現了!

「喂，你同邊個坐?」傻豪問。

「我唔知呀，是旦啦。」我答。

此時，傻豪嘴角露出狡猾的笑容，我亦即時知道佢又想破壞我同小白。

「噤你不如同我......」

「依張係你張飛!你快d入去啦!」我隨手把手中的其中一張飛交給他，打發他走。

睇著傻豪同其他同學嘅背影，我突然有一刻罪惡感，我就好似出賣曬佢地噤。

不過冇法啦，為左小白，對唔住呀各位!

Star war故之然好睇，不過睇住Star war嘅小白更加好睇.依一次係我第一次噤近望住小白，從電影的燈光可以清楚看見小白的輪廓，那是我看過最漂亮的臉。我偷偷的看著，生怕小白突然回過頭發現了我的存在。

我就是這樣坐在你的身邊

悄悄的看著你的臉



這一次，就成為我們的第一次，最美麗的第一次。



由那一分鐘開始，我告訴自己，我要將世上最浪漫的全都交給小白。

to be continued......









下回預告,小白不再理我?!?!?!

第三者出現!?!?!?!?!?

那不(只)是關於愛情 - 第2回

你真的很古怪

中五之前，我是完全沒有「愛情」這個觀念

除了傻豪之外，其實還有一個曾經和我傳過緋聞的人，而且一傳就傳了8年

她是由中一開始同我一齊玩話戲，青梅竹馬的阿晴

阿晴中五的成績本是可以升上中六，但她卻選擇中五之後，到南非交流一年，而理所當然地，我們在中六重遇，亦繼續之前的 - 緋聞。

不過我同阿晴永遠都係維持喺好朋友果種階段，初中果時.大家都好明白對方，我想我和阿晴，就是那種soul mate的關係吧

講返正題先，喺我人生中，我第一個喜歡的人，就在我中六的時候出現了，讓我稱為小白吧。

小白是一個平凡到不得了的一個人，樣子不算好，亦不愛說話。

難聽d講一句，旺角一個招牌跌落泥都死幾件果種(雖然我都係..............)

不過亦因為噤平凡嘅一個人，令我慢慢開始留意佢，好想知道多d有關佢嘅野

呆呆的外表，你永遠唔會知佢想什麼，不過佢有時又會突然爆出一兩個GAG，令人接不住。

好記得第一篇提到佢嘅日記:

「小白真係令人又愛又恨，成日講野都係唔唔噤，真係好想一巴一巴打落去......」

可想而知，我對佢係充滿幾大嘅愛意。

好奇怪，當你鍾意一個人嘅時候，你會為佢做好多好奇怪嘅野，亦因為一d好小事嘅事而開心唔開心。

就好似:

2003年12月17日，因為小白好似小朋友噤同我講「唔好!唔制!」，而令我覺得佢係全世界最可愛嘅人

2004年 1月6日，因為週會時小白坐左喺我隔離而開心左好多日

2004年 3月18日，因為返學見到小白唔開心而令到我都好唔開心

當我而家睇返時，我先覺得自己果陣真係好白痴，好幼稚。

不過初戀就係噤嫁啦!有邊個初戀唔係噤白痴幼稚嫁!

日子一日一日噤過去，我同小白由最初唔係點講野，到慢慢借d問佢拎ICQ，到日日喺ICQ講白痴野。但到左現實之中，我就好驚，永遠都唔夠膽同佢講野，甚至正視佢都有d難度。網上同現實真係兩個世界。我同小白依一種奇怪嘅關係直到2004年5月27日，終於開始有D改變....

果一日我要留喺學校補課，補到7點鍾左右嘅時候，天文台突然發出黃色暴雨警告，由於我冇拎雨傘，只好同另外一個女同學一齊走，喺依個時候，我發現小白企左左我的面前，佢都係打算走，原本我只係諗住同佢好普通噤say個hi，點知佢突然講......

小白:「不如我送你去搭小巴啦!」

我:「!?!?!」

小白:「噤大雨，你又冇雨傘，我同你走啦!」
我(心中的聲音):「同我走同我走同我走同我走同我走同我走........?」

這個時候，我完全O左咀，我估唔到佢竟然開口話送我，而我好清楚，佢返屋企條路同我去小巴站條路係完全唔同嘅，雖然我理智叫我唔好噤做，不過我幾大都話好啦!

在狂風暴雨之下，一把雨傘，兩個人用，兩個人並肩走，你諗下個畫面係幾噤浪漫。雨傘下嘅我完全係超開心同勁緊張，完全唔可以想像今日所發生嘅一切。正當我沉醉在浪漫嘅時候，突然出現一個好熟悉嘅背影，傻豪竟然出現了!!!!!!!!!!!

傻豪亦係回家途中，佢見到我地，就一臉傻氣走過泥問，

「你地係唔係番屋企呀?」

走開呀走開呀!我唔想見到你，平時問你借功課抄就唔見你，而家擺明玩野啦!!唔好阻住我地!!

雖然我略帶微笑，不斷用眼神叫他快些離開，不過傻豪仍然一臉傻氣的站在原地。三人對望無言，就喺依一個moment，小白終於開口，

「好啦!我唔送你喇，你可以同志豪走喇!」然後小白就頭也不回噤去人，得番我同傻豪兩個。

這個時候我恨不得跪在地上，拉著小白的腳，哭著大叫「唔好走呀!唔好走呀!我冇左你番唔到屋企嫁!!」

「走喇!好大雨呀!我重要趕住番屋企食飯嫁!」傻豪挖住鼻說。

望住傻豪個樣，我都唔知講咩好，百般滋味在心頭。唉!!!

就係噤，我就帶住無盡嘅失落，同傻豪兩條麻甩佬就好gay噤返屋企.........................

而依一次，係傻豪破壞我同小白好事嘅第一次......

to be continued

那不(只)是關於愛情 - 第1回

10月28日 星期四

由於中五會考果年考得唔好，所以要在原校重讀中五。而唔知好彩定唔好彩，陪住我嘅就只有由中一開始識嘅好朋友 - 傻豪。傻豪係一個好忠心嘅基督教徒，每個星期六都風雨不改噤返教會。而佢亦係一個到現時為止，喺我地成班中學同學之間，少數從未拍過拖，亦未同任何女同學傳出緋聞嘅同學。但係佢就曾經同男同學傳過緋聞，而果個就係.......就係............我!!WTF!!

因為最初重讀中五嘅時候，由於人生路不熟，所以就成日會同傻豪出相入對，噤就造就左我地之間極其可怕的緋聞，而家諗返都有D驚........

重讀那一年真的很痛苦，見到以前嘅朋友仔好開心喺中六過d好開心嘅生活，而我重停留喺中五，果種感覺真係好差。不過亦因為噤，我俾好多心機去考第二次,亦好好彩噤俾我上到中六。

好奇怪，當你是中四五的時候，你生命裡面就好似只有中六，身邊所有朋友，親戚都會將中六視為唯一的出路，無左佢好似唔得噤。但到左我而家大學final year，你先發現，原來中六只不過人生裡面嘅一個階段，一條路。冇左佢，條路重係要行。

講返正題先，噤辛苦讀書，上得中六就自然唔同曬啦.有人同我講過中六係一個天堂(後來證實依件事係假，係假嫁!!)，尤其係我一個噤鍾意搞活動嘅人，當然我係唔會放過任個一個可以俾我玩嘅機會，我以一個超積極的心態去參加學校每一個活動。甚麼戲社主席，交流團副團長，班會主席.....我可以做嘅都做曬，盡情享受天堂般的生活。

不過結局最後就好似鋼錬中所講嘅等價交換，我用我AL嘅成績做代價，換取我想要的生活。

由於我中學中六七係唔會將文科理科分開，而係混埋一齊再分兩班，所以一班裡面文科生同理科生都有。再加上我係一個重讀生。所以我好多同學仔都唔熟，甚至見都未見過。不過身為班會主席，我就點可以噤，我就用我唔知(怕)醜的大無畏精神，以無盡嘅爛gag同咸濕笑話去感化我班每一個人，希望可以團結我地成班同學仔，亦同時間殿定左我咸亨嘅地位。(詳情可參考馬田亨純粹逗你歡喜的性知識衝動 第一回)

而我就是在那個時候認識了那一個人。

10月28日 星期四 晴，那一個人的名字，第一次寫了在我的日記上

to be continued........

馬田亨純粹逗你歡喜的性知識衝動 第一回

同我比較熟的朋友，都知我有一個外號，就係叫咸亨。但係到底點解一個大好青年會有噤下流嘅花名?
我好記得由我中二、三開始，因為一個小小的誤會，而已經被人叫做淫亨,當中包括我多年來的班主任、兩個中史老師、經濟老師、體育老師、地理老師、中文老師、英文老師、宗教老師、會計老師......
又因為一個小小的誤會，而得到棍哥和七尺的美譽。雖然被人誤會，但我一直相信有一天，有一天他們會看到我善良又可愛的一面

但是直到中五那一年，我讀到魯迅的《孔乙己》，當中故事發生的地方竟然就是..........咸...咸亨酒店!?

好!好一個咸亨酒店，那一刻我終於明白到，原來魯迅先生早在多年前已經佈好個局玩我
我終於認命，與其已經被人認為係世上最咸濕果一個，倒不如我身體力行，不負眾人所托，真真正正去咸濕!

好，以上所有都係廢話，要入正題
因為好奇怪，最近有好多女仔朋友分享佢地經期時的種種問題，所以我決定今日要講下經期與夢遺
首先,讓我們好好了解甚麼是夢遺:

男子一般到了青春期以後便會有遺精現象，在現代社會，初次遺精的年齡從十一、二歲到十五、十六歲都是正常。遺精是男子性成熟的一個標誌，即所謂「精滿自溢」，是因精液積存過多而引起遺精，所以又稱為溢精，屬於生理現象。遺精大多發生在睡眠中，是一種無性活動的射精。

喺我性知識未萌芽之前，靠住學校果d鬼鬼祟祟嘅性教育，我一直都以為男仔有夢遺就好似女仔有月經噤，係永恆不變嘅定律，一件充分表演出男女平等，世界大同重要嘅一環。

不過好快我發現左，原來夢遺係絕對可以「避免」的。(至於點「避免」就唔好喺到討論喇)，有d男仔甚至可以從來未試過夢遺，反而經期就唔可以。每一個女仔都要經歷auntie到的痛苦。
女仔可以好容易同佢d朋友，無論男女講:「喂，我M到呀!有冇M巾呀?」但係男仔從來唔會同佢朋友分享，試問你有冇男仔friend同你好開心講:「喂，我尋晚夢遺呀!我重自己洗左條底底添!」

同樣都係正常生理反應,但係男女處理係可以好唔同,到底點解呢?原因有兩個,第一，佢尋晚，甚至上個月,上半年都冇試過夢遺。另一個好重要嘅原因係因為男仔夢遺好多時俾人一個軟弱嘅表現。軟弱嘅表現?可能有人認為點會係軟弱嘅表現?反而剛剛相反,可以證明自己重係workable。我都諗唔到個原因，所以我訪問了思想仍然停左喺上個世代，超級大男人嘅Juno，J先生.根據佢嘅解釋，夢遺令人有弱雞的感覺，一切都係因為uncontrolable，男人喜歡一切盡在掌中,而夢遺係男人不能控制的事情,所以夢遺俾人一個軟弱的感覺.說起來,可圈可點,但亦不無道理。(雖本人不太接受到)

經期中的女仔係可以係好可怕,反而夢遺中的男仔相反變得特別可愛。可怕係因為那些突如其來的脾氣，而又無法對抗的情緒改變。

可愛係因為果種幻得幻失，相信每一個夢遺後的男人都有像花像霧又動雨的感覺。

為左有更深一步探討，我單方案請左成日因為M痛而放飛機嘅A小姐做左一個研究，以下一篇文章是節錄自她面書，我將當中的一些文字稍作更改，將文中的 M痛變做夢遺-----

今日特登要左一日假，打算去睇4千金一起身個胃加肚都唔太舒服...因為夢遺痛到我冇太為意不過一日前(即係岩岩飲完個日)返工個胃都麻麻沖完涼諗住會好D啦，可以去食飯跟住出去，但唔得左夢遺痛得好緊要頭都冇吹就亂訓左上床仲要係著住要去街既衫一邊好似要生仔咁大叫"媽咪呀，比藥我呀"結果我今日邊度都冇去到只係向床上典, 痛到開始冇力開口嗌為止初期我仲有力可以衝去廁所到之後我只係有力半訓住捧住個膠袋嘔D 黃膽水出黎....我真係好耐都未試過咁慘喇，仲要係唔知因為夢遺到定係腸胃炎定係兩樣加埋一齊

以上記錄A小姐因為m痛而放飛機的經過。好有違和感,完全唔合理，唔make sense。所以我地明白地經期同夢遺的絕對唔可以相提並論，經期可以維持幾日，但係夢遺只係幾秒.經期係痛苦,而夢遺係反而可以得到快感。

因為我唔係女仔,所以我唔明白女仔有幾辛苦,所以因為M到俾人放飛機係可以接受。而用夢遺作為原因反而係唔得。所以，我仍然要忍受因為我朋友經期到而放飛機，唉......

最後,各位因為夢遺而有煩惱的男仔,可以參考下以下文章解決苦惱,祝你地可以早登極樂,善哉善哉
http://big5.jiexieyin.org/show.aspx?id=946&cid=44 - 防治夢遺的方法


下一次探討嘅題目會同我有密切關係 -「腳毛長，性慾強?」
點解腳毛長就等如性慾強?
我頭髮都很長,噤我性慾係唔係都好強?
腳毛長,性慾強點解會同人類進化有密切關係?
下一次馬田亨純粹逗你歡喜的性知識衝動會同你打開腳毛嘅秘密!!


呀,因為要做fyp，胡思亂想先諗到依篇低能野，希望大家可以俾多d無聊能量我，好讓我早登極樂，我就泥傻ga la!!!!

那不(只)是關於愛情 - 第0回最好的愛情?

好多人會問，到底怎樣的愛情,才是最好的愛情?

九把刀曾經說過，「愛情要兩個人都同意之下先會發生 但分手只需要單方面就可以

這不就正是愛情最有最有趣，好玩的地方嗎?」

所以我問始問自己，到底怎樣的愛情，才是最好玩的愛情?
我一直相信，最好玩的愛情應該是最浪漫的愛情。所以我好細個嘅時候，我對自己說，我一定一定要將最浪漫的給我另一半。

讓我們都擁有世上最好玩，專屬的愛情

喜歡文字的人

我喜歡文字

在我眼中，會寫東西的男仔往往俾人一種才華滿溢的感覺，所以我曾經有一段唔短的時間有寫日記嘅習慣(係嫁，我認我係扮型)。不過要型，就要型盡佢，所以我寫嘅點會係xanga，blogspot，yahoo blog果d(其實係因為我唔識打中文....)而我係真係用筆，一個字一個字寫在日記薄上。每一晚我會訓喺床上面，靠住床頭微弱的燈光，腳um um噤將果一日所有開心，唔開心寫曬出泥，一寫就已經四年。

我已經忘記了我幾時停止依個浪漫的習慣。直到有一晚，我唔覺意在書櫃上發現那些封左麈的日記，打開睇番，一幕幕的記憶一下止湧曬出來，先記得以前做嘅野係幾噤白痴，幾噤無聊.

而在字裡行間，我慢慢發現有一個名，一個平凡到不得了嘅名。由幾篇日記中出現一次，到後來每一篇都會出現。我才記起，有這麼的一個人在我身邊出現過，那是我第一個喜歡嘅人。

到現時為止，我只喜歡過兩個人。

或者我已經唔不能準確地記得那一個人的聲音，那一個人的樣子。

我只記得我們第一次約會，那一個人穿起的那件平凡紫色外衣。


不過就是那一件紫色外衣，令我羈絆了一生。



(嘩!好九把刀呀!)
to be continued

囧少年夏日不再純情日記 13 仆街的感覺

我想，這應該是囧少年夏日純情日記的最後一篇


我說過要做的東西


最後

也做不到

抑鬱的夏天

沒有計劃沒有心情沒有自己

是什麼樣也不知道

95%的時間，還有那5%的時間

很討厭

真的很討厭


為何每到這些日子我總是這樣的仆街?

成長一定是痛苦

所以我就要這樣的不開心

沒有希望沒有自己沒有

只是沒有

是逃跑也好是想哭也好是想死也好

肚裡的東西不吐出來

死亡就會那麼接近

不要想

不要去想什麼


仆街!點解每到夏天我總會這樣

很想叫,但聲音早已沒了
希望失望


你的那個和我的那個

他的那個和她的那個

消失自殺放棄消滅完了


走走走

很想走

但走了

那東西就不會出現了嗎?


所以


吳至拔

又再出現

囧少年夏日純情日記 12 月亮先生你好嗎?

今天我做了一件很傻的事，就是在街上跟月亮先生說話。

因為突然很快樂。

一個男人在街上跟月亮說話，其實係好浪漫的。

倒數一個月

囧少年夏日純情日記 11 吓?又食飯呀?

哈，依個星期屋企人出曬去，一向超好客嘅我緊係叫好友上泥打邊爐啦

不過話時話，點解大家出泥做野之後，一齊食飯嘅時間重多過以前嘅?

今次好似係今個星期嘅第三次喇......

雖然今次無左nana、Tracy、Y崔同明明，不過多左莎樂、歐仔、白白、矇豬、喜兒、ET同Q仔(明明我地一路打，一路好掛住你嫁~XDXDXD)

一行十人加五隻貓一齊打邊爐何其壯觀

不過一路打，我就一路趕緊我CCIV功課，由於時間問題，我甚至出動我講，志豪打嘅情況XD

最後玩到3點幾先走

YO，各位搵到工嘅朋友

記住請食飯呀!wahahaha

(2011年3月29日註，到而家都冇人請食飯....)

囧少年夏日純情日記 10 - 完美的一天

八個月的時間，就是換來這一個最完美的一天

由我們搞錯地方開始，我已經覺得一切都會很完美

你知嗎?當我去天橋的時候，我mp3播著的是beyond 抗戰二十年.....=.="

抗戰二十年抗戰二十年,呀!!!!!!我都唔知做咩無啦啦播依首歌嫁!?!?!?!

不過就可能因為依首歌，先令我有勇氣見你。

其實我在遠處已經見到你，只不過我扮見你唔到，哈哈!



雖然我沒有跟你說

不過我很想你知道，為什麼我那麼害怕跟你見面

我怕當你見到我時，和你心目中的那個我不一樣

我怕你不會再跟我做朋友

我怕我會給你看到我的不濟

但是 我想我可以放心了


由那隨意的晚餐

到那拾來的戲飛

有點擠的糖水店

完全陌生的粉嶺

一切一切，都是那樣的完美

我知道我永不是一個完美的人

看上去有點笨，有點老實，有點無聊

但是我今天真的，我很快樂

全因為那看來不完美

卻又是過份完美的晚上



希望你也是這樣想

難受

其實，我之前從來唔知道有人會因為這樣而感到難受。

我亦曾切身處地噤諗過，但係我都係好唔明，到底係有幾難受.......


希望有朋友可以答到我，亦為那些在痛苦的人祈禱。

阿們。

囧少年夏日純情日記 9 - 不止三個人的快樂

今日終於實現左我夏日暑假其中一個目標，就係去.......

海洋公園!

雖然只係得3個人，但係都玩得好開心，對唔住肥Pat同lion，我遲左噤多，因為前一晚真係好夜先訓。

玩成點就唔講，不過我真係好想講一句

好多謝你地!

我完全由心底去多謝你

事前我真係唔知點解你地要去。

lion 2百幾蚊買張票入去只係陪我地排隊同睇熊貓?

阿pat面對破產危機都要去。

對唔住，走果時你地唔覺意爆左俾我知 -

原來你地去嘅原因只係因為我講過嘅一句說話

http://lovestory2005.xanga.com/703122525/item/

你地想話俾我聽，我重視嘅野係真係有人重視

上一次同另外一d朋友去唔到海洋公園，我真係有d唔開心。雖然我冇同你地講過，不過你地竟然知道，我知道左你地去嘅原因之後，我真係唔知講乜好，心裡面chok住chok住噤。

我地依一斑傻瓜，每年有人生日一定出泥聚一聚，唔計其他特別日子。

一年十幾次，每次生日食飯果陣，明知佢地係寫緊生日卡俾自己，但係又要扮唔傻扮唔知。寫果d又要扮神秘，驚死人知噤。明知生日卡次次都係寫果d野，但次次都係要寫，收到之後都忍唔住成日睇返。

我們這樣簡單的走在一起

可能就係噤簡單，我們仍然可以走在一起

記得07那一年嘛?就是剛升上大學的那一年。很對不起，那一年我對你們做了一些很錯的事，我想無論我做些什麼，也補償不到我的過錯。但你們始終沒有放棄過我，正如你們沒有放棄過jayi，放棄過我們任何一個人。

<<我們‧盛夏‧回憶>>是我送給你們的東西，我哭著說的話。

我到現在還沒有忘記過。

我愛你們，正如你們愛我一樣。

囧少年夏日純情日記 8 - 千面王子

由小學到而家，好多人都話我似邊個邊個。其實我都唔介意，因為同另外一個人似唔唔係一件壞事。

不過早幾日，竟然有一個人話我個樣似xx，我真係頂唔順!

我決定寫返以前有人話我似嘅人(或野)，你地話邊個先啱!



劉青雲(都唔錯)

王喜(ok wo)

彥祖XDXDXD(我自己講嘅!)

車厘龜(連動物都似....=.=')

成龍

一個波

貢丸

女人(頂你)

許冠文

海洋公園裡面隻水瀨(我自己都覺的似 XDXDXD)

囧少年夏日純情日記 7 - 踏前一步的世界

還記得<<我們‧盛夏‧回憶>>中的吳至拔嗎?

還記得他是甚麼動物嗎?

就是那隻敏感的小鹿

他永遠住在那個小森林中

自顧自的享受森林中的安靜



但他想走出森林探險一下

那個神秘而又可怕的世界

可是

他就是這樣的可愛和敏感

受到小小的刺激便逃回他的森林之中

他是那麼害怕的受到傷害



因為工作的關係，這個星期六日參加了一個宿營。坦白的說一句，我一點也不想去，因為我很害怕去接觸的工作的朋友。不是他們有問題，而是我自己的懦弱，和他們一起時時，總會有一些格格不入的感覺。

是我的問題

總害怕會令他們覺得我是一個古怪的人。



但是，這一次我決定踏前一步

去嘗試融入這個團體

原來踏前一步的世界

可以很不同

每一個你們都是那樣的可愛，那樣的特別



我坦白地跟老闆說出我心裡的不安，雖然他沒有給予我任何有用的方法，但我仍然很感謝他願意聽我的小小心事。



Doris人仔細細的可愛

Vicky的爽朗

松鼠的咸濕

肥Ben的超無聊爛gag

Eddie對愛情的認真(認真的說一句，我從未想過愛情可以這樣)

藍的'奇裝異服'XDXDXD

Brain一次又一次聽我的爛gag

還有很多很多認識的新朋友，特別是那些City的朋友仔



雖然吳至拔仍是那敏感的小鹿

但我相信每一件事，都會影響著他

每一件小事

都令明天的他成了不同的人

一個一日比一日堅強的人

謝謝你們

我代吳至拔去多謝你們，真心的。

囧少年夏日純情日記 - 6 我不是熱血青年

我從不是一個熱血青年

但至少我明白什麼是對，什麼是錯，什麼是良知。

二十年了，留下的只是更多的憤怒，更多的傷痛，更多的無知

對比二十年前那一班學生

如果我連那簡單的晚會 那一份小小的堅持也做不到的話。

我不配做一個有良知，對得起自己的一個人


很感謝有一班仍然願意和我做話劇的朋友，

很感謝翁明明教懂認清歷史，

感謝仍有一班和我一起去六四晚會的人。

你你我我都是那十五萬燭火的其中之一

今年不是我第一次參與六四，但卻是最深刻的一次。

二十年後 我仍會記得今天


我從不是一個熱血青年

但我至少，我是一個對得起自己良心的人。

囧少年夏日純情日記 - 5 「七千三百零四夜」

很久沒有認真去做話劇，在翁明明的邀請下，終於有機會再一之踏上順利的台板。

這一次是一套有關六四的話劇，我是做一個熱血的弟弟。不過一如翁志明習慣，同佢合作開嘅我地，絕對可以喺佢身上面學到乜野叫臨危不亂。

因為星期四嘅表演，我地星期二先開始練.............................

唔係下個星期四，係今日星期四!!!!!!

用2日半嘅時間，要排一個20分鐘的戲係需要奇蹟。

最特別嘅係，今次算係半個音樂劇...........................................

呀!!!!!!!!!!!!!!!!!!!!!!!!!!!!!!!!

我嘅第一次俾左依套劇，識我嘅朋友一定知我唱歌係好‧好‧聽

走開偶像派嘅我，叫我唱歌同迫我去死係無分別。

最重要係我有一小段SOLE(雖然我相信依個都係一個賣點)

所以我而家真係驚到死，點算好?

牠堅持了但人類沒有，談那條從印度到了挪威的狗

去年的新聞，一宗讓我久久不能釋懷的新聞。話說當貨船開倉卸物之時在現場發現了一條骨瘦如柴的狗，這是從印度到挪威整整漫長不見天日的一個月來，遠渡重洋，在密封的貨櫃裡沒水沒食物的環境底下還活著下來的一個奇蹟，但因為犬隻身體情況不佳而又恐怕會傳染狂犬病的考慮之下，有關當局草草為活口注射毒針了結。

掙了一個月活了下來，門打開了，看到光了，卻抵不過來自人類那定義為善意的毒針，五分鐘後離世。我感到荒謬，還是我太感傷了點，當我一而再望向牠的一雙眼睛，牠堅持了但人類沒有。

                                                                                  
轉自小奧私陸

近來除了那些政治白痴之外,最令我不開心的一篇新聞。生命是如此的頑強，卻又如此的脆弱。人真的有能力去決定一個人的生死?包括其他生物?

牠獲得新生的一刻卻是死亡的開始

小奧說得對，「牠堅持了但人類沒有。」

囧少年夏日純情日記 - 4 再見了!我的hall life!

從沒真正享受住宿舍的生活

在走的一刻

看見門上的貼紙被撕了下來

才有一點不捨得

完了吧?

關於-我們的友誼可以走得多遠

第二次面對這個問題 - 我們的友誼可以走得多遠
我知道這樣說，是一件很無聊的事情
但友誼其實永遠都有一個距離
每個人都不同，走些可以走得又快又遠

有的只是慢慢的行

有的只是走了一步便停了下來

有些連自己走過也忘記了

但那怕是一條如何困難的路

我也喜歡與你們一起走

因為我打從心底是珍惜你們每一個

同樣的問題，不同的處理方法

星期一那天，發現我和他們原來可以走得更遠的時候

第二天我發現，原來我和你只可以到這一步

多走一步只會粉身碎骨

現在的我開心嗎?一點也不

即使如何扮作開心，也揮不走那一份可惜

我只會原地轉圈

說了不該說的話

無論如何去忘記

也不能忘記那一根刺



我會仍然當你是朋友，卻不會是好朋友

囧少年夏日純情日記 -3囧少年夏日純情日記 -3 Nouvelle Vague

睡

想睡

睡著了

急忙

無奈

疲倦

驚訝的發現

內疚

害怕

小恩小惠

害怕

忘記了

疲倦

快樂

發小脾氣

被安撫了

緊張

不知所措

愉快

些少失望

不斷搖

興奮

因為別的聲音再興奮

傻

不想和那些人

第二次親眼看到

愉快

奇怪的心情

愉快

奇怪

不明白的目的

疲倦

i am too drink to fuck tonight

囧少年夏日純情日記 -2 '驚異!!!!!第三個青春期!!!!'

所下內容是含有暴力和色情原素，不喜者勿進

六十年前，有一個年青人發現自己身體出現奇怪的變化。早已經過了青春期的他，身體慢慢再次長高，聲音比以前變得更加低沉，種種變化令他害怕不已。他立刻去看醫生，醫生說他是患上了青春期症後群......

然後第二天

他死了


這幾個星期,我亦發現身體出現奇怪的變化

唔係關於我嘅身高，唔係關於我嘅體重，亦唔係關於我嘅性器官(佢地依然好完整)

而係關於我嘅胸部.....

唔......
..
...
....
.....
......


唔好諗錯

我依然係男人，冇生左對乳房出泥

只不過我發現我胸部慢慢生左d - 胸毛

呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀呀!!!!!!!!!!!!!!!!!!!


點解會噤嫁，原本光禿禿的胸部竟然生左胸毛

我冇辦法否認我係好man，不過胸毛依d野，真係.....真係....真係......

有d麻甩

經過我同朋友討論過，我認為我生胸毛嘅原因有三個可能性

1)我真係好man

2)個天可憐我嘅身高，決定俾多個青春期我長高

3)我用霸王洗頭水時，唔小心流左d去心口果到


雖然三個理由都好合理，不過我相信第三個先係我生胸毛最主要嘅原因。

霸王真係幾好用，佢地可以搵我做新一個代言人

霸王生胸毛水

死啦，雖然而家唔係好多，不過我而家真係好擔心我會生d很黑很亮嘅胸毛。

最驚第時生d '動L' 嘅胸毛

X，諗起都驚



囧少年夏日純情日記-1 「我愛夏日長!」

自上一次個半鐘游左4個池嘅「創舉」，踼水俾人話似遇溺之後，為免再次成為其他人的佳話，我今次決定自己一個去游水。
作為今年第二次處男下海，我一早教好個鐘，諗住可以大清早就去暢泳。

但係點知我拎齊野，準備好出發嘅時候.....

我先發覺..........

好凍 =.=

真係好凍....

當時嘅畫面就好似有幾塊枯葉喺我面前吹過一樣，我望一望個天，再望一望自己條短褲。

以我性格，我緊係頂硬上.....................................至奇


無可奈何之下，我好似個傻仔走返上hall。

當然啦，我緊係唔會就噤放棄啦。我等到差唔多3點先再一次出發，果時天公造美，陽光普照

我第二次處男下海終於成功。

而且，最後我用左一個鐘頭游左12個圈，證明上一次我係不為，非不能也。

不過游游下果陣，有人喺我身邊好快游過，好明顯係想挑我機。

我緊係奉陪到底啦!!

我以自創嘅龜式同佢比賽，不過，可恨嘅係我以半個池輸左俾佢。

更可恨嘅係，同我比賽果個人應該只係得五歲。

真女人

Maggie從一開始認識，我就覺得她是個很隨和，很容易相處的人。

但就在尋日拍完野時，我將d野推返上停車場時，已經見到Maggie同其中一個司機鬧緊交。

火藥味好重

而我就唔知頭唔知路噤，唔知發生左乜野事，只係見到司機已經喺到緊人鬧。

突然之間，Maggie一句，

「你而家載唔載，唔載就同我走!」

全場所有人靜曬......
我亦看我得目定口呆，之後司機仍然破口大罵。

Maggie頂唔順，上前補多一句

司機即刻靜曬
在我眼前的Maggie絕對係一個上天下地嘅真‧女‧人!

依個時候，為左證明我都係一個真男人，我同Maggie講，

「俾我上佢架車，你上第二架，你需要一個硬淨嘅人!」

其實喺我講依句說話時，我心裡面係有小小淆底，一來佢係個小混混，二來我係好唔鍾意同人鬧交。

大佬，真係驚嫁，坐佢架車，我條命喺佢手上面，但冇辦法，我只好頂硬上。

上左車之後，我想他為了報復，開得重快過過山車，超級危險，依個時候，我已經忍唔住，即刻話佢。之後靜左幾分鐘之後，個司機又發神經喺到鬧。今次我真係發火，我即刻再指住佢鬧，

「一係你而家放低我，一喺你渣慢d，錢我俾你，但係你而定即刻唔好講野!!同我收聲!」

嘩嘩嘩!

果一刻我完全感覺到自己真係好型，我好少可可以噤型，我將我身上所有男子氣概爆曬出泥(雖然平時已經好勁)

司機即刻收聲，果時真係好嬲，我最僧人地喝我，任何人一喝我可以即刻反面!

不過而家諗返，其實我內心有少少唔好意思始於我都係我斯文人(XDXDXDXDXD)

而且又唔係佢錯曬，所以之後我都好收曬火，扮睇SMS同訓覺，哈哈。

走果時我重有同個司機講聲唔該。

經過今次，我完全對Maggie改觀，我已經成為你個FANS!!!!!!!!!!!!!