囧少年熱血返工日記 2 - 帶著普通話OT去

本來以為今個星期都係做下雜務，寄下信同入票等簡單工作(順帶一提，我經過幾日入票，我已經知道曬尖沙咀9成銀行位置喇，哇哈哈!)，誰不知，第二天已經要做一些較重要的事，不過總算平平安安，沒有任何出錯。

不過到左第三日，我嘅惡夢終於出現!

話說我做緊文件工作時，我阿頭突然行到我身邊，問，

「亨仔，你普通話得唔得?」

「唔....呀.......唔...都...得.....嘅.....」

「噤你幫我打依幾個電話，問一問佢地生日日期啦。」說罷，阿頭便走開了。

識得我嘅人，都知道我嘅普通話有幾噤「好」，如果唔講，基本上都認為係另外一個世界嘅語言。而今次要我打返上大陸，而且唔係一個兩個，今次真係好‧大‧獲。為防出錯，我特登靜靜雞走去後樓梯打電話俾我好友，練習好先開始。

「李姣，李屎臭先生?」

「甚麼?我是周先生。」

「隊不廁。姣，臭先生，柯屎XXX滴工作淫員。柯想紋李滴生意。」

「甚麼生意?」

「bu是生意，屎出生意紙。」

「意紙?」

「是Birthday!李明白媽?」

「是出生日月日嗎，好的.....」

如是者，我用完全唔係普通話嘅普通話完成所有任務，雖然電話另一面有9成都聽唔明我講咩，不過我又用我嘅機智化險為夷。呼~~

我嘅工作除左做下文件野，入下數之外，另外一個好重要嘅就係走來走去。

我正常的放工時間是六時正，第一天的放工時間是6點半，第二日7點半，第三日8點，第四日已經要9點先可以收工。平日多數都係去幫手送下文件等等。

星期四那一天，將近放工的時候，我阿頭突然叫我拎野去葵涌。我完成手頭上的工作已經是6點，正當我準備出發去葵涌嘅時候，阿頭又突然叫我拎野去尖沙咀另外一面。我剛完成任務，電話又再響起，阿頭交了幾個任務給我，亦開始了我當日的長征......

首先我要去尖沙咀另外一面，之後去葵涌，再返尖沙咀，之後去土瓜灣，再去跑馬地，最後去銅鑼灣。

而最後一站，為了將母片交俾人，我噤大個仔第一次走入傳說中嘅桑拿。嘩嘩嘩，睇戲就睇得多，今次親身去，真係大開眼界。

走呀走，跑呀跑，最後要成9點幾先可以完成所有工作。

睇泥我真係有掛忙喇.....

                                                                                 

順手宣傳一下，有冇人可以揾到我段片呀?