愚人節特輯之騎虎難下

終於搞掂!

苦戰多個月的工作，終於終於搞掂喇。原本上 一篇係決戰最後七十二小時，最後竟然係決戰120小時，真係苦苦苦，搞到連blog都寫唔到，不過正如火影大哥講，後生仔，係要捱下嫁喇。無論如何，工作做完，係時候要做另一份大野喇，真係要俾一千萬個心機。

不過我要向所以朋友仔同屋企人講對唔住，因為唔夠訓同好辛苦，我好多時塊面都黑如死灰，成日講錯野，對唔住Wyman，你幫我好多但我又唔珍惜你。那些打過電話俾我，但我用唔得閒而收線嘅朋友，信我，我今日會一個一個打返曬電話俾你地。最後最後係我屋企人，我真係唔知我發過脾氣，果時我訓緊教，我以為我自己發緊開口夢，真係好對唔住。

                                                                                                              

尋日係愚人節，十級無聊嘅我當然唔會放過依個機會去愚人啦，包括扮唔見左錢，俾大耳窿追數等等。不過本來想愚人嘅我最後竟然係愚己.......

見Tat同肥Ben喺facebook玩分手玩得噤開心，我亦不甘示弱，將我在facebook的state由'單身'變成'in a relationship'，一方面可以俾個驚喜大家，另一方面可以引蛇出洞，睇下邊個個反應最大，果個一定係傾慕我嘅人.......

「阿亨，你有第二個喇?」

「希望你得到永遠的幸福快樂......嗚......」

「馬田亨，我會一直等你嫁。」

雖然係超級無聊，不過我心裡真係開始幻想會有人同我噤講，依招引蛇出動實在太強喇，哇哈哈哈，各位暗戀我嘅人，來吧，哇哈哈哈。

不出所料，在我改變state之後的三秒，已經有人作出評論。不出一小時，已經有十多人讚好同回應，在我沾沾自喜嘅時候，我完全唔知道自己已經騎虎難下......

留言者漸多，當中不乏真心留言，可能佢地見我dry得太耐，所以一見到我有伴的時候，都不禁為我開心，依個時候，我竟然不忍心告知他們真相，我為左一時嘅歡愉而破壞了別人對我真誠的祝福，我重要將佢地當成傻仔般取笑，唉，我真係十萬個低能......

另外，我完全忘記了，如果俾那個人見到的話，我就大‧檸‧樂喇!

我馬田亨好想話俾大家知，

「其實我重係單身嫁!」
                                                                        
同場加映:

憤怒雷射眼貓