友情值千金

男子漢講得出就要做得到，尤其是對著重要的人。

講左噤耐，終於有機會出crew。過去嘅星期日，我抱住交唔切freelance嘅危機(最後真係交唔到......)同推左份超高薪兼職，幫小林出crew。小林，依個友情真係值「千金」嫁!

Call time係10點，地點係西鐡站兆康站。作為一個九龍仔，喺我心裡面，去兆康等新界地區(我之前完全唔知兆康係喺邊)，真係同返大陸一樣噤遠。當我9點10分去到美孚站準備轉車時，突然收到Step的電話，

「喂，XX亨，你重有幾耐到?」Step是個長期精神緊張的人，她說話時是超級的緊張。

「我諗2個字到啦!差幾個站就到。」我望一望地鐡的路線圖。

「等陣先，你而家去到邊?」

「美孚囉!」

「呀!!!!!!!!!!!!!!美孚去兆康要半個鐘嫁!」

我一直以為，西鐡同港鐡係差唔多，港鐡一個站只需2分鐘，西鐡一個站係要一個字。

好的，我第一次出crew又遲到喇!!

不過唔緊要，經一事，長一知，下次會醒目D。

依排周圍都好潮濕，但係我估唔到兆康比飛鵝山更加濕，天花同牆濕到好似用水喉射完噤。

(你睇下，真係濕到呢)

女主角係樣靚身材重正嘅Alice，原來佢同我都係機迷，九把刀迷同漫畫迷，嘩，正呀。男主角係唔知點解，每次拍親小林片都要露點嘅假髮，而且佢做親都係D賤男人角色。

我地一拍就拍左12個鐘，由朝早10點拍到夜晚10點，最後可以拍左差唔多90個shot!!!成條crew得我，小林同step，我就負責打燈。由於前一晚4點先訓再加上早起身，搞到我拍攝果時不斷釣魚，拎住kino flo都可以訓得著。

出完crew，飲返杯品香朱古力最正!

好!大家要搵人出crew記得叫我!
我要成為CM食得最多慶功宴嘅一個，哇哈哈!!